我曾經熱愛籃球,

我曾經每星期打足7晚籃球,

我曾經有好多朋友一齊打籃球,

現在一星期揾一晚都難,最有可能打到波的時間係星期日朝早,早過番工(如果我仲有力的話)

自從小魔怪出世後,我就知乜野係全天侯Standby,我覺得真係辛苦過A-level好多,多得老婆同阿媽的幫手,我先有休息時間。

同大部份打工仔一樣,收工已經好攰,但又唔想錯過睇住自己個b大,有時都要捱眼瞓先得,第二朝就放。同老婆基本上係輪班制,其實佢絕少休息時間,唯有等阿b瞓左佢先瞓。

其實已經買左兒童毯俾佢(我自己都覺得舒服囉),有時,半夜聽到阿b喊聲,真係好辛苦先爬到起床睇發生乜野事,終於知阿媽當年點解成日同老豆戲言要掟我落街(據佢講,我係一唔抱就喊,第二個人抱又喊,食緊飯又喊,真係唔知點知點先唔喊),但老婆的EQ真係好高,又好有耐心 (但對我就冇乜 ><),阿B又真係算係咁,好快靜番同瞓番。

basketball

依家冇籃球打唯有儲籃球鞋算係一種替代活動吧,終於明點解D人話細個冇錢有時間,大個有少少錢,但冇時間。

 

NO COMMENTS