8大養貓新手須知【入門知識 2017】

0
12660

好多新手貓奴都會喺貓貓駕到前,興致勃勃地佈置屋企⋯⋯

好似我咁,又買吊床,又買貓架,又買貓窩,又買玩具,又買瓦通抓板…

但,養貓新手須知第一條就係:

「忘記呢啲無謂嘢!」

唔係話無用,但呢啲絕對係純粹entertain自己而priority好低嘅事項。

 

1. 決定好貓貓食嘢同如廁嘅地方

貓貓同我一樣,最重視都係食同痾。

所以,第一件事,係你要決定貓貓食嘢同便便嘅地方範圍。

喺嗰度食就唔好喺嗰度痾,貓貓咁乾淨咁聖潔嘅動物,食嘢同痾嘢梗係最好分開啲啦。

 

2. 決定好貓貓嘅食物

You are what you eat

新手養貓須知

正如上面咁講,食對貓貓非常之重要。

即係話,如果你係養貓新手,都係花多少少時間揀隻最合適嘅餵飼方式。

首先貓糧可以大致分為乾糧、濕糧,同鮮食。

前兩者選擇多到有排你睇,除咗分年齡同味道呢啲基本嘢,仲有分商業糧同天然糧。

簡單嚟講,商業糧就商業啲,即係可能有防腐劑呀誘食劑呀添加劑呀咁⋯

⋯而天然糧就天然啲,有營養啲甚至係有機咁啦。

而鮮食即係自家煮食。

鮮食可以揀啲咩呢?

鑒於貓貓係肉食動物,所以鮮食主要都係雞肉雞肉雞肉同雞肉,間中可以加啲纖維例如南瓜紅蘿蔔等一齊煮,仲可以令貓貓無形中飲多啲水。

養貓新手須知我都大大話話用咗成個星期去study不同牌子嘅成份同生產地⋯⋯

你知啦,大堆材料壓成嗰塊餅乾,睇真啲好啲。

通常有啲咩要留意:

比較吓蛋白質含量,要grain-free / gluten-free (即係無穀物),因為五穀及碳水化合物有機會令貓貓消化不良,導致腸內長期含菌量過高,最大鑊係舊屎會臭啲。

關於貓貓食物,市場上眾說紛紜,無話邊樣最好,你可以視乎自己的生活習慣同Budget,以及貓貓的特別需要,再決定食得幾尖。

當然,養貓新手梗係買細細包試下水溫先啦。

3. 為貓貓挑選一個適合嘅食盤

貓兜

講完食物,就講痾?未咁快住!

食物都要用碗放嘅,所以講埋食盤先。

我哋呢啲講求生活品味嘅,當然要個預備個靚靚貓碗啦,所以用嚟蒸肉餅嘅銻碟就唔使諗。

貓碗一定要揀個闊底重身,總之唔易反轉嘅。

先唔講貓貓可能食嘢會論盡,佢哋成日跑跑跳跳,一個唔覺意每日踢跌三五七次都咪話唔燥。

而重點係:

貓先係主人,所以你又唔鬧得佢⋯

另外記住,你有幾多隻貓就要有幾多個碗,你知啦,爭食呢家嘢,好惡攪。

 

4. 貓砂

好,今次真係到痾喇。

係人都知,貓貓天性就係會去啲砂度痾,大小都係,唔使教嘅。

貓砂所以貓砂方面,只要揀一款你歡喜而啱budget嘅就得喇。

市面上嘅貓砂主要分為土砂、紙砂、豆腐砂、木砂、水晶砂同小麥砂,有凝結有不凝結。

我呢啲住studio flat而又懶到入基因嘅,就選擇咗豆腐砂,無咁大粉塵又夠平。

豆腐砂係由最注重環保嘅日本人發明,用豆腐渣製成,直接沖入廁所就得,快靚正,最適合我呢啲日理萬機又想為社會出一分力嘅有為青年。

5. 貓砂盤

痾,除咗貓砂外,仲有貓砂盤,亦稱為貓廁所。

貓砂盤嘅size當然係最大concern,你可以因應屋企空間決定砂盤大小,咁梗係唔好太迫啦,始終貓貓係會長大同長肉,唔係好似長X樓盤個廁所就唔好啦…

我重申,貓貓係好注重個人衛生嘅動物,佢哋痾完,無論大定細,都會擦乾淨手腳同埋巧打耳嘅肉球。

如果你個貓砂盤無踏板,即係盤邊有個小腳踏可以俾貓貓擦腳,咁最注重「個人」衛生嘅寶貝,就會high落你地板、櫃邊、門框,或任何就腳嘅地方。你應該明白個踏板有幾重要。

不過無論咩size咩款式都好,有蓋貓砂盤係必需的。

因為,貓屎真係好臭

 

6. 貓網。

貓貓真係好鍾意傲視同儕嘅感覺,而呢種感覺好容易就令佢哋失足變空中飛貓。

所以好多提供領養貓貓嘅機構組織都好緊張貓網。

但我去到第七點先講呢樣大家都好重視嘅嘢,唔係因為唔重要,只係我相信貓網屬於硬件,更重要嘅係,要小心、小心、小心。

鋁窗定風翼唔係每個人屋企都可以安裝貓網。

正如我屋企個露台,2米高趟門,加上係租住,根本無可能安裝貓網。

之不過,又俾我搵咗款叫做「鋁窗定風翼」嘅工具,可以固定鋁窗嘅開口喺幾寸之內,可以俾空氣流通之餘,亦可以避免貪玩嘅貓貓由窗口跳出,一石二鳥~

當然,裝咗鋁窗定風翼之後,個窗以後就只可以開丁屎咁大條隙⋯

所以,裝貓網或者鋁窗定風翼就要睇你嘅取捨啦。

7. 屋企傢私

相信大部分嘅貓奴都係鍾意任得自己嘅主人通屋跑,即係話:

「你嘅傢私就係你主人嘅傢私!」

所以呢,為主人揀傢私嘅時候一定要小心,尤其是用嚟擺嘢嘅層架。

貓傢私

根據小弟經驗,無論幾穩陣嘅層架都一定會俾貓貓踢冧⋯

啲嘢冧晒唔緊要,最怕壓親貓貓主人吖麻!

所以,與其擔心貓貓會壓親,倒不如用一啲輕身又實淨嘅層架啦!

而小弟屋企,就用緊呢個紙箱造層架

唔單只只有2.6KG重,佢重係用貓貓最喜愛嘅紙箱造添~

一個字 – Fit晒!

 

8. 私貓領域

每隻貓貓嘅性格都唔同,有啲一日到黑都要黐住你⋯⋯

有啲,就永遠都要坐喺自己個皇座遠遠咁監察視住你(真係要監視住你一舉一動)。

對於後者嘅貓,其實極之需要地域上嘅安全感,一個只屬於佢嘅領域。

貓貓有安全感,咁樣對佢地嘅心理同生理健康都會有正面幫助!

所以點解有時貓貓鍾意匿喺衣櫃,甚至自己困自己喺籠入面,就係咁解!

但係如果奴才唔想衣櫃充滿貓毛,又或者見佢自困喺籠入面咁慘慘⋯⋯

養貓新手須知

咁就要為佢地添置一間瓦通紙貓屋!

點解係瓦通紙?

無他~貓咪天生就是喜愛瓦通紙,瓦通紙俾到貓貓一種舒適嘅感覺!

而如果你想搵一啲靚靚有design嘅瓦通紙貓屋,襯番屋企嘅裝修⋯⋯

可以去呢度–> 紙貓屋 – Paper Cat House

養貓新手須知總結:

雖則貓貓喺好獨立嘅動物,但係其實佢哋係極之敏感,尤其是同你未係太熟(稍為唔開心或者受驚都會痾爛屎)⋯⋯

所以新手養貓喺各方面都要好小心,唔單止貓貓雖要適應,貓奴同樣需要一段時間適應,特別係作適時間。

不過,相信真正願意成為貓奴嘅朋友,呢啲小改變,難唔到你哋嘅~

有興趣為主人添置間貓屋嘅朋友,可以去呢度<–

NO COMMENTS