韓國美少女

話說係前年12月:

我同兩個由細玩到大嘅小學同學,去左次約左20年先攪得成嘅旅行。各自攜妻一行6人諗住去一次不一樣的relax之旅。

在此先陳述一下人物簡介:

老友明仔是個典型賴皮,就好似大雄一樣,極度粗心大意,專係闖左禍之後唔出聲等死,總係以為有叮噹(今時今日叫多啦A夢了)會自動幫佢解決問題,而事實上由細到大扮演叮噹嘅人通常都係我。

另一位朋友振強脾氣勁大,講野又大聲,最鍾意扮大佬。

至於小弟就係一個好易話為嘅庸人,永遠夾係佢地兩個中間做和事佬。

兒時老友係自己揀嘅,打死無怨,但兒時老友個老婆係冇得揀嘅。就算只係一年出黎食一次飯,佢地係咩人都逃唔出我雙法眼。

明仔老婆係出名自私兼臭寸嘅辣椒仔,而膽小如鼠嘅明仔亦好順利成章地成為不折不扣嘅老婆奴。

振強老婆剛好相反——係果種鍾意委屈自己(冇錯,係有人有呢鋪癮嘅)以顯示自己有幾為人設想嘅女人,終日屈埋屈埋、苦瓜乾口面。

去得首爾當然係因為各位兄弟老婆嘅好提議啦,但由於大家都已經去過幾次首爾,唔知邊個屎忽痕話不如試下住韓國傳統民宿,既有特色價錢又平喎。係冇經慎重商議嘅情況下,唔知點解有人好快手就訂左。

間民宿類似咁嘅樣,一間大房一個廁所。風景黎講,韓國民宿的確係幾古色古香,但係好戲在後頭…

韓國通渠

係4日3夜嘅旅程入面,行程相當特別同緊密,每日幾乎如是:

  1. 早餐Issac Toast明洞街頭s
  2. 午餐部隊鍋明洞街頭s
  3. 晚餐啤酒炸雞東大門商場s。

我唔敢講啤酒炸雞唔好食,亦唔敢講東大門d衫款其實香港商場或網購都有,更加唔敢講明洞d化妝品其實唔係平好多啦…

…我只係諗:.

「說好的不一樣之旅呢!? 說好的relaxing trip呢!?」

有!

成個旅程唯一令我感到不一樣嘅係個民宿,嚴格黎講係民宿嘅美女管家——Donna。

Donna係個係梨大半工讀韓國女仔,個樣同秀智有幾分相似,笑嘅時侯仲露出一對板牙。仲要你知韓國女仔多數都腳長腰幼,唔知點解,要凸嘅地方總會凸。

我仲好記得第一次見佢嘅時候,佢著住件緊身黑色嘅針織冷衫,外面攬條圍裙都遮唔到佢嘅身材,真係好癲!(Sorry呢度忍唔住要描述得仔細啲,因為真係好得)

xUsRJEY認真,真係激似國民初戀果個秀智!仲要平時係冇咩點化妝都咁靚喎!

所以行程再悶再攰,天氣再凍都好,我每朝都係最早起身果個,為嘅就係趁老婆未起身嘅時侯,可以同Donna吹兩嘴,除左可以溝通溝通之外,仲可以”深入”了解一下韓國本地風土人情。佢同我講韓國科技一日千里,而且仲好生活化。

話咁快,日復日嘅行程終於黎到最後一晚……

當致身於塞滿面膜同衫嘅房間內,我一個大字形攤左係地下,雙眼放空,諗住瞓住排隊等沖涼。

之前冇夾過,每晚次序可能根據團員人性而排列,依次為明仔老婆、明仔、振強老婆、振強、我老婆、我。

唔知點解,果晚明仔沖得特別耐,睇左半集Running Man重播都唔肯出黎。正當我地開始起哄想拍門嘅時侯,明仔施施然行出黎,唔出聲扮執行李。

呢一刻,我心知不妙,但礙於大家老婆係度,不敢輕舉妄動。

到振強老婆走入廁所後不夠一分鐘忽然走出黎拿埋口面同振強耳語幾句,振強突然衡入廁所,然後大喝一聲:

「我X!又係你!」

十幾年來似曾相識嘅對白在韓國首爾再度響起,此刻再攰嘅我成個人都醒哂,彈起身飛奔入廁所一睇,真的出事了…

個廁所塞左! 係嚴重塞左! 打開廁板嘅一瞬間,我見到一個好恐怖嘅畫面,到而家仍然歷在目。成個馬桶都係明仔d屎,又紅又酸又硬又臭,一定係食左3日炸雞同部隊鍋辛辣泡菜所練成嘅。

通渠貼紙最吊詭嘅係…堆啡紅色物體約隱約現露出左半隻護翼。

呢個moment振強要爆了,佢走出廳幫老婆出頭,對明仔怒目而視。

  • 1) 振強指住明仔係咁鬧: “天寒地凍係都要累街坊嘅?你話今晚我老婆點沖涼呀?成世人都係咁!”
  • 2) 明仔繼續眼光光保持緘默,但明仔老婆忍唔住還擊:”關我老公x事咩?個屎坑窄咪容易塞囉!你咁大個男人淨係識係度噪恰我老公,有冇計通番呀?聲大大冇貨賣!”
  • 3) 振強老婆補一句:”算啦… 我睇下有冇廁所泵試下通通佢啦… 冇嘅…”
  • 4) 明仔繼續眼光光保持緘默。

呢個4步曲不斷係眼前重覆,對白大同小異,情況一發不可收拾,而且急轉直下。

我老婆雖然冇加入戰團,但係我最不知所措嘅情況下,不斷係我耳邊竊竊私語: “唉… 早知係咁就唔同佢地去旅行啦…” 面對4位好戲之人,我已經頭昏腦漲,我老婆真係唔講好過講,真心想回一句: “出少句聲當幫忙啦!”

呢場交真係十級難勸,所以我決定唔勸,冒住零下6度低溫走出房外到主人房向Donna求救。

pongtu.png (638×424).clipularDonna視察完災難現場後,對我苦笑了一下,之後就走到主人房,攞左張黃色透明膠紙過我地房,不慌不忙咁貼左係事發馬桶上面……

……然後跪左係馬桶前用類似心外壓方式向下壓左幾分鐘。唔知點解,呢個咁正經嘅動作,我竟然覺得好性感,睇到我個心”噗噗、噗噗”咁跳……

就喺我睇到眼定定嘅時候,奇蹟就出現了!

明仔又紅又臭嘅排泄物開始向下沖走,個馬桶出奇地通番。Donna撕走左張膠紙,淡淡然講左一句”괜찮아요”(gwaenchanh-ayo 沒關係),尷尬地笑左一下,然後就急急腳離開左我地間房。

當時間房靜哂,包括我在內。而我心裡面即時湧現兩個問題:

  • 第一,張黃色膠紙咩料咁堅?
  • 第二,點解韓國女仔可以咁無私,幫人通屎坑都任勞任怨,仲要笑得咁甜?

最後一朝,當我晨早想敲主人房向Donna道謝時,開門嘅竟然係個阿豬媽。Donna大概係當完一晚夜更,一早就放工走左。

第二個問題似乎搵唔到答案,惟有不斷上網搵第一條問題嘅答案。後來youtube見到條片,似乎係韓國自家出品,但行百貨公司又唔多覺有。

事隔兩年,最近我老婆google到有間online shop賣呢隻黃色膠紙,問過話貨源充足,可能係香港代理,唔驚俾人炒高。

>>個網站喺呢度<<

下個月明仔生日話出黎食飯聚一聚喎,我都想係買番set,1set2張,一張自用看門口,一張送俾明仔做生日禮物,懷緬一下係韓國旅行嘅美好時光。最緊要明仔唔會出聲反對嘛,成世人都係咁。

PongTu

NO COMMENTS