上次就介紹左語學堂既種類,今次將會講下選擇大學既細節。

當你決定左自己想讀邊一種課程之後,就要為自己物識一間適合自己既大學啦!

韓國既大學有好多,無論首爾市內定係近郊都有好多選擇⋯⋯

要係咁多選擇裏面,揀最岩自己既學校,首先要考慮既就係地點既問題!

可能有人會認為學校先係優先考慮既要素,但係我就有唔同既睇法~

因為語學堂大致上都係差不多,分別在於重點放係咩範疇。

要睇哂咁多間大學既資料再篩選既話,簡直係大海撈針。

而我,就覺得可以先從地區入手,因為通常一個地區附近都總有幾間大學,所以先揀好想居住既地區,再慢慢研究個個地區既大學,咁就可以更有效咁搵到適合自己既大學。

當然啦,我相信大家都聽過好多出名既大學,例如:梨花女子大學、弘益大學等等⋯⋯

直接選擇有名既大學亦都得既,不過有可能會出現日後生活上既好多不便。以我自為例,我就揀左讀首爾慶熙大學既語學堂⋯⋯韓國留學生活

慶熙最為人熟知既地方,我相信係Super Junior成員-圭賢係裏面就讀,想係學校見到明星不是夢⋯⋯

⋯⋯只不過,這些機會….

韓國留學

其實慶熙有兩個校區,一個係首爾,另一個水原,係首爾市外,就圭賢讀個個啦。

為左見明星報學校我都有聽過,但你如果你係報左水原個間,去首爾都要撘一個鐘頭車以上,想經常出去玩根本係無咩可能。

相反,又因為學校比較遠,相對性黎講,就會有更多時間放係學習上啦。

如果中意行街追星,想有多啲活動既人,可以選擇旺區,例如弘大、梨大呢啲出名多青年人聚集既地方。

但係,呢啲地方由於係旺區,交通玩樂等雖然方便,但租金就會比較貴,生活消費亦都自然係高啲啦!

而我揀既慶熙位置係回基站,屬於東大門區,但係出去弘大玩都要半個鐘以上,玩夜左次次都要撘的士都幾唔方便架。

學校附近既屋都比較舊,所以租金就會比係旺區黎講平少少,同埋生活消費就無咁高既。

魚與熊掌,不可兼得。

想生活多姿多彩啲既話,揀番旺區讀係最好既。

如果想以讀書為主,可以揀冇咁出名既地區,甚至係市外,主要都係睇大家想日後係呢邊既生活係點,同埋租金,生活費既考量。

係決定左之後,第二步就可以睇下個區學校既資料,再慢慢篩選學校。

 下次我會介紹少少不同既大學,同埋點樣報讀,想了解多啲就要繼續留意啦!

2 COMMENTS

  1. 我今年中六,考慮緊畢業之後去慶熙語學堂讀完韓文就讀大學課程,想問語學堂難吾難入(洗吾洗高學歷?)?需吾需要面試?🙈🙈🙇🙇

    • Hi Suen,

      感謝你支持,我地聯絡左身在韓國嘅犀利呀,佢話:語學堂唔難入讀,只要中學畢業就可以。語學堂基本上無面試,但入學之前會有分班試 視符情況可能會同老師有商談。基本上語學堂只要有錢就有得讀。

      希望幫到你~

Comments are closed.