韓式炸雞

嗱,講起食炸雞…

炸雞…真係唔係我認叻,before啲人睇「來自星星的你」之前小弟已經好鍾意食韓國炸雞。(戴頭盔:真係唔係跟風啊)

尤其是係韓國當地食嗰啲,啲雞係特別鮮嫩,特別多肉汁,特別好食咁嘅。

所以嗰陣時係尖沙咀金巴利道開始冒起一啲炸雞店嘅時候,譬如:李家、Red Chicken哩啲,小弟已經係常客。

即係咁,如果你都自認係識叫雞之人嘅話,一定知道:

識食韓國炸雞一定係食有骨嘅!

韓國炸雞無錯!就算你去到韓國食唔同牌子嘅炸雞,你都會見到好多韓國炸雞店都淨係賣有骨嘅。

無論你喺韓國見到啲幾靚、幾索、身材幾好、着得幾咁正嘅韓國索女,佢哋去到食炸雞都一定係食有骨嘅⋯⋯

你可能會諗:

「食炸雞同索女同有骨又有乜關係啊?」

絕對有關係!

你試吓想像一下,一個靚女用手拿住條骨食個畫面靚啲吖?定係用叉吉嚟食俾人個感覺好啲吖?

咁一定係後者啦!係咪?

咁個矛盾位又出現咗啦:

試問食有骨嘅炸雞用叉食又點會食得過癮、盡興呢!?

都係嗰句,識得食一定係用手食!

所以呢,如果你出街食韓國炸雞,要食得有儀態之餘,又要食得滋味,少不免要有啲法寶幫下手⋯⋯

韓國炸雞 finger nap我講緊嘅就係呢個——「為食手指套Finger Nap」

呢個「為食手指套」係專為你嘅食指同埋拇指而設。

雖然佢睇落個樣有啲鳩鳩地,但係佢係依照人體工學去設計,絕對係為左一啲鍾意整潔,有潔癖嘅人而製造出來。

換句話說,佢梗係唔淨止比你食炸雞啦,你鍾意食薯片又得,食pizza又得,又或者你好似我咁喺屋企有鋪癮鍾意成條三角朱古力用手拿住嚟食,又得,得咗。

你又可能心諗:

「黐筋嘅咩!無端端戴塊咁嘅野喺身,啲人會誤會以為係用過嘅condom喺度條條Fing囉!」

韓國炸雞 finger nap嗱,個廠商都非常之體貼大家,為免大家俾人誤會,所以佢嘅包裝都設計成一個細盒仔,等其他人見到最多都係以為係一盒未用過嘅condom,唔會條條fing咁失禮啦。

(你知啦,男仔俾人誤會都還可以,但係女仔啦喎,真係水洗都唔清呀)

呢盒未用過嘅「為食手指套」,唔單止可以帶俾大家一個更方便、更乾淨嘅用餐方法,包裝仲咁大方得體,仲要只係廿幾蚊盒有成30個套,平均1個$1都唔洗呀!

>>宜家喺呢度有得賣啦<<

以後去食韓國炸雞,你都可以用手拎得放心,食得安心啦!

韓國炸雞 finger nap(如果你去印度旅行,帶一箱去是必須!)

NO COMMENTS