【最細】電批 – 真男人必備!

0
2656

老老豆豆,有個電批喺屋企先有番啲男人嘅尊嚴⋯⋯

電批

是咁的:

之前都講過,屋企間唔中有咩大大小小的家具,都要由小弟組裝。

我仲記得有一次係裝個衣櫃,裝咗三個鐘都未裝完⋯⋯

 

點解呢?

 

因為嗰度總共有84口螺絲要上,而我手上只得一個大螺絲批⋯⋯GG

縱使平時我同女朋友之間都唔會避忌講粗口,但係喺我標晒汗裝緊第5X口螺絲嗰陣,突然間同我爆一句:

 

「你有冇銀用㗎?裝咁耐都未搞掂!」

我當堂火都嚟!如果我嗰陣手上面係揸住個電批,分分鐘對住佢個魂精係咁轉⋯⋯

可惜,我手上只有一把冇銀用嘅螺絲批,我只能夠暗然地完成餘下嗰三十幾飛螺絲⋯⋯

可能就係因為呢一幕,上次寫完嗰篇文之後,我諗都無諗就買咗個充電電批返嚟看門口。(重點係又唔係真係貴)

電批

直至最近,女朋友又買咗件新嘢返嚟俾貓貓玩⋯⋯

螺絲唔多,十幾飛啫~

女朋友仲串串貢咁同我講:

「半個鐘,實搞得掂啦掛?」

點知佢入廚房煮完個出前一丁出嚟都唔夠十分鐘,我哋隻貓Boom Boom已經喺上面玩緊啦!

「咁快嘅!巧叻呀你!」

女朋友見我手上面拎住隻電批,仲好驚訝咁問:

「你幾時買㗎?點解我唔知嘅?」

我好威水咁答佢:

「條你你都發雞盲嘅!買咗好耐啦!一路都擺喺書架上面!」

「咁細隻,真係冇為意⋯⋯」女朋友依然好驚訝。

就係咁,我總算挽回小許男人嘅尊嚴⋯⋯

雖然係一啲生活上嘅小事,但係,你都想你老婆或者你嘅女朋友係啲姊妹面前讚你一句:

 

「我老公,佢有用!」

認真,呢隻The Hive電批真係唔錯,係真男人嘅必需品!

或者其實你都唔知乜電批啱自己不妨睇下 <<怎樣選擇電批 (Electric Screwdriver)>>

NO COMMENTS