自信

閱讀的好處又係時候寫番啲正經野⋯⋯

雖然由細到大無論學校又好、阿爸阿媽又好,都總會強調閱讀的好處

好可惜,小弟由0歲到23歲都冇閱讀的習慣,不特止,基本上係好憎睇字,見到一大堆字喺會頭痛同埋眼瞓嗰隻⋯⋯

而,唯一會睇嘅課外書係  –  漫畫。

(大學畢到業我都覺得係一個奇蹟,雖然都係幫人通渠,不過算係咁)

但係好得意地,到畢咗業出嚟做嘢,竟然會開始睇書⋯

⋯好大程度係因為覺得自己無料,所以希望可以惡補一下,充實一下自己嘅人生咁話⋯⋯

而小弟第一本認真睇嘅書係 – 《人性的弱點》閱讀好處

有時啲嘢就係咁得意,一挑起你條根,就停唔到落嚟⋯⋯

睇得一本,就會有第二本,到而家畢咗業9年,大大話話買咗過百本書。(當然對好多人嚟講都係好少嘅數量啦,而且好書唔洗多,幾本已足夠~)

試過有一本書,好睇到愛不釋手,成2吋幾厚,厚過聖經,日日都就咁用手拎住出街睇⋯

⋯有時諗番起,都覺得自己有啲傻傻地。

當然,時至今日,小弟完全明白閱讀的好處,基本上係有百利而無一害⋯

⋯但係各位家長,要明白閱讀嘅好處之前,係要先培養閱讀嘅興趣囉~

有一樣嘢必須要明白:

“強迫子女閱讀,只會令佢地討厭閱讀!”

換句話說,你要令佢地討厭一樣嘢,只要強迫佢哋去做就得㗎啦,例如打機⋯⋯

(外國一個知名嘅心理學權威真係咁教仔女,仲要效果極好)

而對我來講,閱讀嘅好處有以下幾點:

1.擴闊視野

總括而然,人,分4種:

  1. 不知道不知道 -唔知道自己唔知道什麼嘅人
  2. 不知道知道 - 唔知道自己知道什麼嘅人
  3. 知道知道 - 知道自己知道什麼嘅人
  4. 知道不知道 - 知道自己唔知道什麼嘅人

越睇得多書,雖然令我得到好多知識,但同時間令我知道自己有更多唔知道嘅事情,驅使我要去睇更多書。

2.增加自信

自信注意:我講嘅係自信,唔係自負!

閱讀,好大程度上係為咗增加知識。

當一個人不斷閱讀某一個相關領域嘅知識,自然會變成嗰方面嘅專家。

一個人嘅自信,好多時就係源自知道自己知道什麼⋯

⋯但如果能知道自己不知道什麼,呢種自信會變成一種謙卑。

而謙卑嘅人,無論喺咩狀況咩環境底下,都能處之泰然,呢種,係一種內在自信。

3.充實”自我”

有閱讀習慣嘅人,好少會有”空虛”嘅感覺⋯⋯

因為一個人,煲完3個鐘頭劇,唔會從中得到滿足感⋯⋯

打6個鐘頭ONLINE GAME,唔會得到滿足感⋯⋯

上左2個鐘頭FACEBOOK睇其他人嘅生活,唔會得到滿足感⋯⋯

唯獨是,做一啲能夠令自己有所增長嘅事,先可以搵到滿足感!

當然,閱讀只係其中一樣啦!

不過,其實我講咁多閱讀的好處⋯⋯

都係想話俾你知,閱讀習慣真係應該由細開始培養!

所謂贏在起跑線,除左指富二代之外,其實個人修養都好重要!

我好相信 “All Leaders Are Readers” 呢句說話⋯⋯

好多人都話Bill Gates係靠阿媽嘅人脈先會成功,之但係人哋細細個以經咪晒成本百科全書你又知唔知?

所以呢,有一啲好嘅誘因去吸引小朋友讀書你話係幾咁重要呢~

當中,小弟認為一個吸引嘅書架就十分重要!

就好似呢個 羊爸爸書架

閱讀習慣

仲有呢個 企鵝畫板書架,有得放書之餘,仲可以當白板咁用

閱讀習慣

到小朋友大個啲,可以用呢個3層架做書架都得

層架

當然,除左一個吸引嘅書架之外,俾小朋友去做佢哋感興趣嘅事,然候引導佢哋從書本發掘更多知識,都係一個好方法啦!

有D人會問我地呢D紙品會唔會好唔耐用,其實一定唔會,因為……(請參閱此文)

NO COMMENTS