野餐地點2017 - 11塊最適合野餐草地

0
32641

秋風起,野餐癮又跟住起⋯⋯

不過我發現香港雖然係石屎森林,但係原來都唔缺野餐地點喎!

雖然要有草地、有樹林、有山、有水,就唔係咁易搵到同去到⋯⋯

但係要有一片草地,又有海景,其實都好多選擇~

以下落嚟我地就介紹11個一流野餐地點俾大家,有啲偏遠啲就人少啲,有啲就腳啲但係就人多囉⋯⋯

  1. 野餐地點 -5個偏遠之選:
    1. 迪欣湖野餐
    2. 大帽山郊野公園野餐
    3. 大嶼山赤臘角南環路野餐
    4. 深涌野餐
    5. 塔門野餐
  2. 6個市區野餐地點就腳之選:
    1. 大埔海濱公園野餐
    2. 山頂公園野餐
    3. 佐敦谷公園野餐
    4. 添馬公園野餐
    5. 西九海濱長廊野餐
    6. 零碳天地野餐

野餐地點 -5個偏遠之選:

1. 迪欣湖野餐

野餐地點

迪欣湖係偏遠首選,無他嘅,因為偏遠得嚟又尚算方便,不單是一家大細野餐,呢度亦尚算係好多人的假日好去處

有草地,有湖景,綠水青山,重想點?

2. 大帽山郊野公園野餐

野餐

BBQ或者野餐地點嚟講都係熱門地點。

大帽山郊野公園主要都是草坡,樹林只生長於較低地方⋯⋯

即係話,有大把草地俾你玩!

當然啦,始終都係山,有啲草地會比較斜,唔太適合擺放野餐食物或進行其他活動,所以選擇野餐地點時要留意~

3. 大嶼山赤臘角南環路野餐

野餐草地

如果草地、海景、日落都已經滿足唔到你,你就一定要到大嶼山赤臘角南環路見識一下!

因為呢度除咗草地、海景、日落之外,仲可以睇到飛機升降㗎。

衝上雲霄》迷必去朝聖嘅野餐地點!

赤臘角南環路前往方法:東涌站步行45分鐘/城巴S52,在機場維修站下車,之後步行10分鐘。

4. 深涌野餐

野餐必備

深涌擁有一片翠綠草坪, 除了行山者會經常到來, 應該不多人知道這裡有一個地方, 猶如置身台灣的郊區一樣, 感受一下親親大自然的情景, 有溪、淡水沼澤等等 。

不過這裡比較遠離市區, 假日可以連同一班好友親臨這大自然的草地上,重拾樸實、簡單的生活。

深涌前往方法:巴士299X於企嶺下老圍下車,然後經榕樹澳行入深涌,需時約2.5小時/於馬料水乘搭前往塔門嘅街渡。

5. 塔門野餐

野餐好去處

塔門 擁有一個令人心動的大海,遠眺海面,吹著海風,優閑坐在綠草如茵的草地上。

香港難得可尋找到這一個忘掉工作上的煩憂的好地方,是一個野餐好去處!

塔門前往方法:於馬料水乘搭前往塔門嘅街渡

6個市區野餐地點就腳之選:

6. 大埔海濱公園野餐

野餐用品

唔洗多講,大埔海濱公園又草地,又對住吐露港,又連接住大圍至大埔嘅單車徑⋯⋯

不過唔講你唔知,大埔海濱公園係香港面積最大的公園,而且整個公園恍如座落在一個山丘上,設計別具心思。

小編就試過由大圍踩單車出發,去到海濱公園野餐,飲下紅酒,吹下海風,幾咁寫意。(不過小心唔好飲醉)

7. 山頂公園野餐

1412840752671SL2_7FFF1B18142E666B5D2F6BC6A94C5F3F

可能大家喺電視上面見就見得多,但係真係上過山頂公園嘅人未必太多⋯⋯

其實只要沿住山頂餐廳旁的柯士甸山道向上走,就會見到呢片世外桃源。

走一段小路,大家就會經過柯士甸山遊樂場,那裡就有一大遍草地、維多利亞式的小涼亭等,周圍嘅高樹圍繞著呢片草地,好有秘密花園嘅感覺,極之適合野餐;

如果你想邊望住維港海景或薄扶林水塘景色邊野餐,你可以繼續向上行,多走半小時就能到達山頂公園。

不過大家要留意,上到山頂可能會極之大風,而且山頂會比地面溫度低2-3度,記得要戴備禦寒衣物。

8. 佐敦谷公園野餐

Jordan_Valley_Park_Overview1_201308

佐敦谷公園真係冇咩人唔識,而且真係太方便啦,假日必定係人頭湧湧,唔少朋友都會選擇呢個野餐地點,皆因交通方便,唔少巴士小巴都到,由彩虹坐的士到佐敦谷公園,幾乎唔駛跳錶。

亦因為咁,假日嚟要早啲嚟霸位!

而有一點值得一提嘅係,佐敦谷公園嘅高樹比較少,有一大片空曠嘅草地,玩航拍一流!(不過要注意安全)

9. 添馬公園野餐

221206484_221206505_Jan

相信大家對添馬公園都好熟悉,呢度除咗可以集會之外,當然都可以野餐啦。

小編喺雨傘運動嗰排都瞓過幾晚草地,夜晚除左濕氣重啲之外,真係又軟熟又舒服,野餐真係一流!

重要有一晚遇正慈母衝上添馬公園請我地食胡椒噴霧,幾有家庭溫暖~

而且又有無敵大海景,空氣本身已經好,如果封埋龍和道,啲空氣重清新。

10. 西九海濱長廊野餐

waterfront-4

位於海邊嘅西九海濱長廊,最大嘅賣點就係無敵大海景,吹住海風咁野餐都咪話唔爽!

不過西九海濱長廊就真係夠晒長,由入口行去草地都有D距離,所以有唔少人都會選擇喺西九入面以單車代步。

不過勝在有無敵大海景,而且佔地極大,寧靜舒適。

交通: 雖然喺九龍港鐵站附近,不過由港鐵站行到去草地都需要15分鐘。

11. 零碳天地野餐

13818945182320-xianggang-zcb-lingtantiandi-lvyuanxiang

相信好多人都留意到,喺九龍灣Megabox對面,有個靚靚公園,原來呢度都可以野餐!

一行入零碳天地,就見到大片草地,草地對出就係馬路同大型商場,呢度絕對稱得上係鬧市中嘅綠州!

話到明係零碳天地,呢度採用咗好多綠色建築方式,好似室內採光技術同埋天台嘅太陽能光伏板等等,用嘅全部都係可再生能源。

(上去睇返野餐地點 -5個偏遠之選:)

去邊個野餐地點都好⋯⋯

有花草樹木嘅地方就有機會有蚊蟲咬,記得做好防蚊措施!

例如用呢個無色無味無化學成份嘅Repello電子驅蚊器!

驅蚊

有左佢,去邊度野餐都可以「如入無蚊之境」啦~

<<詳情按此>>


Save

Save

NO COMMENTS