通渠

其實喺棟啱啱新起嘅住宅大廈外面貼滿”通渠公司 – 渠王免棚“既街招,理應係要覺得奇怪…

通渠免棚

事情發生係大半年前:

當其時都係搬左來呢度住冇幾耐,新樓,企企理理,包晒廚房電氣(全部用西門子,唔CHEAP架都),落地玻璃,望到啟德郵輪碼頭,叫做有D海景咁…

其實所有野都好OK…

唯獨是個廁所⋯

唔知係因為新樓定咩,水力硬係麻麻地。

平時痾啲普通屎,都已經唔易沖走。有時痾篤屎大篤啲,用多幾格廁紙,沖嗰陣都已經塞塞地,啲水湧上來嗰下差啲滿瀉,堅係冷汗都標埋。

有一次真係奶晒野…

通渠

嗰次真係做野忙到幾日都冇時間痾屎,點知一痾可收拾,滿晒⋯

我已經醒目,盡量唔用咁多廁紙,點知一沖嘅時候我先知呢次真係出事。成堆野只係郁左一郁,卡係個渠口,而啲水都仲係緩緩而退…

呢一刻,我知道急係冇用的,做人係應該要知難而退,退一步又是海闊天空。(唔會叫24小時通渠囉,太貴)

今晚不如早啲瞓,俾一晚時間佢溶解一下啦…

點L知,第二朝有一陣輕柔嘅聲音叫醒我…

我慢慢張開雙眼…

原來,係我隻巧打耳嘅貓叫醒我呀~~ SO SWEET~~

3秒後,一陣屎臭味撲鼻而來⋯⋯原來,係我隻巧打耳嘅貓叫醒我要奴才幫佢執屎呀…(我隻貓真係好聰明,而佢啲屎真係好臭)

怕臭嘅我,梗係第一時間將啲貓屎連貓沙鏟走倒入馬桶…

係我倒入馬桶嗰一刻,心裡面又響起警號…

通渠佬

我響起警號,並唔係因為我忘記左琴晚篤屎,而係我醒唔起,當貓沙遇到水係會痴埋一舊呀hi!!

盡管如此,我都決定把心一橫,按水沖廁,希望一晚時間已經令佢軟化⋯⋯

按嗰一刻,我深深地感到後悔了⋯⋯

?種後悔法,尤如同女朋友行街嘅時候,我口快快叫錯左第二個女仔個名,一樣咁後悔…

啲啡色嘅水,不斷升…

我知我冇辦法擋得住,而我明知冇乜用,都一手拿起卷廁紙圍住個廁所邊,希望佢可以吸到啲水…

直到佢開始沾啡圍邊嘅廁紙,我知道冇希望,我開始退後,但係我冇驚…

因為三十幾年嘅人生話我知:「怯,你就輸咗成世!」

呢個時候,奇蹟出現左…

唔知係咪因為啲廁紙提升左水嘅表面張力,啲水去到面,剛剛滿左啲,但係又冇瀉出來…

呢一刻我乜都冇諗,就狗衝落樓下搵通渠佬電話…

通渠佬一聽個地址就講:

「又係廁所塞左呀?」

「係,你好熟下喎…」

「個半鐘後到啦,$300蚊。」

「師兄,就來倒瀉屎喎,有冇得快啲?」

「要快就五舊,15分鐘後到…」

「嘩,師傅,你真係好過去搶喎!」

「間間通渠公司都係咁啦,一唔係等下。」

「500就500啦,盡快到唔該!」

通渠價錢嘅野我真係唔識,不過情況危急,我唯有照俾⋯⋯

如是者,通渠師傅上到來,見到個廁所,冇出聲…

然後擰轉頭西晒口面同我講:

「你檀野咁大鑊頭先又唔講?」

「你都冇問…」

「你咁樣我真係好難搞…下刪500字」

呢一刻,我唔想多事…

「師傅,收順啲,六舊啦,幫我搞掂佢…」

通渠佬嘆左一口氣之後,就再冇回頭望一眼,通埋個渠,收埋錢就走左lu…

自此之後,我去廁所比之前更加份外小心,直到依家…

韓國通渠貼終於喺香港有得買⋯⋯

依家有呢張韓國通渠紙貼,基本上之後兩次廁所塞左我都係用佢來通。

有次隔離屋個女鄰居(一般靚、一個人住)問我攞通渠佬電話,我都直接隊張通渠貼俾佢算啦,費事佢咁尷尬啦,始終俾人見到自己啲排泄物都好似唔係咁好意思咁嘅。

所以各位巴打絲打唔想俾通渠佬西面嘅話,可以點下面條link訂貨,順豐送貨的。

>>訂購按此<<

P.S. 要訂診早,次次返貨一個禮拜就賣晒…

PongTu

NO COMMENTS