每逢大時大節,不論聖誕節、復活節定中秋節,朋友間總係會開個Party。中學時期通常會食下菠蘿腸仔飲下雜果賓治,上左年紀有番咁上下消費力嘅就食下Ham飲下Wine,不亦樂乎。

House_Party

開Party對我黎講…

終極目的都係想見下朋友,特別係平時工作忙到甩碌冇咩幾何見嘅老朋友,畢竟出左黎社會搵食已經有咁上下年份,咩都玩夠。大家各自放下沉重工作,開開心心相聚一刻,講東講西講舊史,第二朝瞓醒又係一條好漢,即係又要逼港鐵食飯盒捱騾仔呀…

不過好多人為左令成件事感覺更有紀念價值,往往都會有一個指定環節,就係…

交換禮物!

老老實實…

買禮物都幾考生活小智慧。唔係嚇你,只要行錯一步,都可以俾人笑足一年。要做到”莫天下人笑我,寧我笑天下人”,買禮物前要攪清楚以下幾樣野。

Gift_Hacken1

 

1)留意遊戲規則: 送俾指定目標,定係隨機抽獎形式?

前者要對目標生活喜好及需求有一定程度嘅了解,除非你地成日保持聯絡,否則要掌握對方心意,有一定難度。

後者就要買份禮物不論男女老幼,高矮肥瘦都唔會唔適合。試諗下,如果一個甩哂頭髮剷光頭嘅朋友抽中一個洗頭水,場面有幾尷尬。如果係老友都會原諒你,如果係friend搭friend新相識,又或者係朋友嘅伴侶,到時你都幾頭痕,買黎自用可能仲適合。(當然你鍾意撞山,然後挑戰自己口才解釋的話就另計)

 

2)有冇大會主題: 送最受歡迎禮物,定係最無聊禮物?

人生除左要係對的時間遇上對的人,仲要係對的場合送對的禮。任你買左份自以為個個都會拍手掌嘅好禮物,但如果大會主題係最無聊禮物(真係有人為左睇對方收無聊禮物個尷尬樣而定呢d主題),你都有機會俾人笑足一晚。

筆者收過最無聊嘅一份禮物係一個手提動能充電器,即係要不停咁攪先叉到電。要叉一部電話可能要攪足一個通宵。

題外話:

筆者亦試過一d另類主題,例如係用你收過但覺得冇用嘅禮物黎再交換。果次換左一大盒扣係門嘅金屬sit-up bar,心諗雖然係重d,但可以係屋企做sit-up練腹肌都唔錯。點知返到屋企一打開個盒,最關鍵扣實度門果件配件消失左…

換句說話講,即係我好辛苦咁抬左一堆廢鐵返屋企。

(下刪粗口二十字)

Sit-up bar
就係冇左用黎鎖死係度門果個扣呀! 冇左點做sit up呀?

所以在此奉勸大家一句,為求一睹朋友”誠意”,收到禮物都係循例拆一拆穩陣。

 

3)採取咩選禮物策略: 買實用型禮物,定花瓶型禮物?

買實用型禮物好處在於真係實用,唔會浪費資源,擺係度又冇機會用,但可能要承受少少風險。如果對方已經有相同用品,咁就變成多餘。至於買花瓶型禮物就真係講個靚字,但求令對方開開心心,但又唔可以太大件。香港地住宅有幾多位擺雜物,大家應該心知肚明。

 

4)好緊要: 有冇budget限制先?

講到尾,錢都係最重要一環。好似我呢d窮人派對就梗係預算$100樓下啦~ 不過最頭痕係有d朋友硬係喜歡要鬥買得最貼近budget,揀唔到d貼近budget又會俾人笑你冇誠意。

 

以前要買禮物…

淨係識去旺角格仔舖或者潮物店搜索,但買多幾次總有一兩次會撞機,買黎買去d野都係大同小異。後來團購湧現,開始多左d選擇,但有時要山長水遠走上樓換件野都幾唔方便,換領時間又得4-5個鐘,9成撞正我開OT d時間。而且上到去10間有7間都唔多客氣,俾左錢反而好似去求佢咁。

Andy_Lau_Customer_Service

唉…

今時今日咁嘅服態度係唔夠架! 更何況當今團購成行成市,產品獨得性已經開始每況愈下。而家買禮物,都係要花少少時間搵間有特別貨源嘅網店,最好有埋送貨服務啦。

 

中秋佳節將至…

如果你黎緊有party要交換禮物,但又唔想做”宋禮勤”俾人笑足成世的話,以下推介幾份”進可攻、退可守”嘅送禮精選! 豐儉由人,任君選擇!

 

A)草根階層派對(Budget below $100): DIY親手砌紙掛飾

resize_bird

進可攻:

有幾正係度唔多講,自己入黎睇啦。

試諗下掛係office個位嘅假天花已經夠吸晴啦! 好多人特登去韓國當手信咁買番黎架!

退可守:

雖然4款都咁靚,但筆者建議你買鳥籠,因為如果主題係鬥無聊,或者預計有人收到可能會笑你眼光差,你就話買黎送俾d目光好似籠裡雀咁短淺嘅人。

 

B)夾心階層派對(Budget below $200): 韓國通渠貼紙PongTu—「貼廁泵」

B2nBM6oCcAEi6EH

進可攻:

有幾正係度唔多講,自己入黎睇啦。

咁有創意,你班朋友只會O哂咀、露出bling bling眼,對你嘖嘖稱奇。

退可守:

邊個收到敢笑你眼光差,你就話其實買佢係用黎貼住果d講野臭過屎坑嘅人把口。

 

C)中產階層派對(Budget below $500): 又靚又實用嘅最細電批

1-1024x910

進可攻:

有幾正係度唔多講,自己入黎睇啦。

唔好睇少佢,呢個小電批實用得黎又有兩隻顏色襯得幾靚,送俾男女老少都適合嘅家居貼心之選。

退可守:

同樣道理,邊個收到敢笑你眼光差,你就話其實買佢係用黎鑽穿果d講野臭過屎坑嘅人條脷。

 

D)上流階層派對(Budget below $2000): 精美小賣店紙屋

CO_7834-683x1024

進可攻:

有幾正係度唔多講,自己入黎睇啦。

如果交換禮物玩到$2000咁大,應該大部份都已經成家立室。送俾朋友個小朋友,真係無可抗拒。

退可守:

如果交換禮物玩到$2000咁大,斷估大家都有層樓揸手啦。如果當無聊禮物,咪當係買間狗屋俾你個朋友囉!

 

以上幾個推介都有一個共通點,就係非常貼近budget,大部份同budget只係差兩蚊。如果遇著班喜歡鬥買得最貼近budget嘅朋友,即係話只有岩岩好同差一蚊先贏到你,衰極都有第3名呀!

 

真係一句講哂…

冇!得!輸!

 

想做送禮達人定送禮勤,自己諗諗。

Gift_Hacken2

預祝大家中秋節快樂! 🙂 

 

NO COMMENTS