「踩過一次你就番唔到轉頭!」

呢句係我第一次跟友人去東涌踩夜車時出發的一句話,而呢句話已經應驗!

以下是呢條路徑的形容詞﹕

  • 伸手不見五指
  • 只有一個半人的闊度
  • 有條上極都唔完的長命斜
  • 有阿婆豆腐花
  • 有個朋友同一條路炒左4次
  • 有一個朋友同一條路爆左兩次軚
  • 一定流汗
  • 如果自己嚇自己一定嚇死

呢條路其實係條行山徑,聯繫東涌至深屈,行程大概3至4小時,單車踩盡唔停的話大概 1 個至個半小時應該可以完成。

重點係呢條路夜晚係好靜好黑,一個人踩一定驚。就算一班人踩都唔會分得太開踩。

踩呢條路唔一定用爬山單車,我自己用Venzo 20寸摺車可以完成。(雖然爆過兩次軚)

TYRE

最重要的係電筒,你架單車最少要有兩支強力電筒,一枝照遠,一枝照近,否則你只有兩條路﹕

  1. 踩得好慢
  2. 撞山

成個行程,因為黑,因為路窄,你要好集中應付每一個灣。當你極度集中時,你會去到一個忘我的境界,你會忘記晒你身邊發生的所有野。

route

因為冇街燈,想像一下咁窄的路,又黑,又靜,其實好刺激!

去到深屈,就係你好攰的時候,就算去到夜晚十點十一點,佢地都會照賣公仔麵,最好食的係蠔餅,係十分好味!

cafe

P.S 路的中段有條長命斜,基本上我係從來未試過唔停踩上去,去到頂有個乘涼亭,亭內有張相…….夜晚見的碓幾心寒的……係乜相,大家不妨自己去睇下

 

 

 

NO COMMENTS