足球機

整個大學生涯裏面,唔計上莊,分分鐘花最多時間就係喺城大7樓嘅足球機上面⋯⋯

足球機諗返上嚟都幾好笑⋯

當時上得去最多嘅除咗我之外,藍牙、紅牛、同埋黑面都係常客,每次一上去就三、四個鐘⋯⋯

有時都會計一計用喺打足球機嘅時間,分分鐘超過300個鐘頭,會唔會好浪費呢?

但係冇呢300個鐘頭,我同黑面亦都冇機會係2006年世界杯嗰陣,喺某間名牌眼鏡點搞嘅足球機比賽贏咗副三千幾蚊嘅鈦金屬眼鏡,帶到宜家⋯⋯

亦都係因為呢300個鐘頭嘅努力,由初初唔識玩,甚至唔知足球機係乜,淨係識得轉Q⋯⋯

⋯不斷挑戰一班高手,一路唔怕輸,挑戰再挑戰,到終於贏過晒佢地⋯

⋯然後到係禮拜六日都返去玩,撞到一班畢咗業嘅師兄,發覺天上有天,人上有人,輸到褲都甩⋯⋯

⋯之後又再不斷操練,為嘅就係要贏過呢班師兄(諗返起都幾似漫畫情節)⋯

⋯到兩三個月之後,已經可以同班師兄打成平手!

宜家回想起,其實都算係一種人生經驗嚟嘅~(人就係有種要證明自己係啱嘅一致性⋯)

當然之後同另一位叫做恆仔師兄出去打足球機,又再發現足球機嘅世界好大,自己好渣⋯⋯

之不過,呢300個鐘頭,令我明白到:

「人生冇真正嘅輸。所謂輸,只不過反映出,你需要為自己定一個更高嘅目標。」

當然,可能亦都係因為有呢300個鐘頭,造就咗我同呢幾位拍擋今日嘅合作。

唔好意思,呢篇講遠咗少少⋯

⋯其實我最主要係想講,時間係自己控制,而時間管理嘅觀念,係應該由小朋友嘅時候開始培養~

所以呢,最好嘅方法就係由小朋友自己設計自己嘅時鐘!

時間管理

時間

<DIY時鐘 – 可以喺呢度買<diy時鐘 -=”” 可以喺呢度買=””>>

當然,一啲冇時間觀念嘅大人,都可以買嚟醫下你哋嘅Sense of Time啦⋯⋯

 

NO COMMENTS