筲箕

對於唔識煮餸嘅我,搬咗出嚟住之後都少不免要入下廚房,唔係齋等食。

所以對於一啲準備食材嘅步驟,可以話略有研究咁啦~

筲箕

不過,我呢啲慣咗食腦嘅人,有時要我做啲繁複的步驟,真係會燥底架!

再加上小弟係一個視覺型嘅人,一見到啲嘢亂D或者”呢咁hea”,真係火都嚟⋯⋯

尤其是切嘢,小弟個廚房就比較細,sink盤我又得一個,啲洋蔥啊青椒啊黃椒,切完都唔知可以擺喺邊,又阻住晒塊砧板,真係”呢咁hea”。

我又唔可以好似Gordon Ramsay嗰啲煮食節目咁,煮一餐用100幾十隻碗裝嘢⋯(佢個廚房大過我成間屋囉)

所以呢,既然唔可以好似佢咁霸氣咁整嘢食,唯有用啲生活小智慧,搵啲工具幫下手啦!

嗱,唔係我賣花讚花香,我而家介紹呢一個砧板呢,真係非常之方便!

因為佢除咗係一個砧板之外,佢仲係一個筲箕!

筲箕砧板將啲生果啊蔬菜啊剩呀,切完粒之後,可以直接一嘢掃落去個筲箕度,打開佢又得,閂返埋佢又得,再攞去沖水又得,得咗!

咁你就唔使又要搵多個碗裝住啲嘢啦!

講開筲箕⋯⋯

筲箕砧板唔爭在講埋呢一個集「洗野、煲嘢、蒸嘢」於一身嘅「蒸煮筲箕」!

唔好睇佢外型冇咩特別,又有啲膠膠哋,好似冇咩gimmick咁,其實佢勁方便!

舉個例子:

識得煮出前一丁嘅人,一定會麵還麵、湯還湯,分開兩樣煮。(有啲人會過冷河添,不過我就冇食得咁尖)

正常情況底下,你一定係煲完麵,夾開啲麵,再煲水煮湯,right?

我夠膽講,淨係夾起啲麵呢個步驟,已經令唔少人放棄呢種食法,更莫講話過冷河⋯⋯

但係,如果你用呢個蒸煮筲箕,煲完個麵,一嘢拎起個筲箕,過個冷河,煲另一煲水,攪掂!

筲箕砧板

筲箕

 

 

 

 

 

 

成件事係幾咁暢順!

其他嗰啲煮意粉啊、烚菜啊、蒸嘢呀,你諗得到嘅,都做到!

啊爭啲唔記得講,佢上面果舊膠膠哋嘅邊,係一條耐熱膠邊,下面個筲箕就係不銹鋼。

即係話,下面啱啱煲完嘢幾熱都好,上面條膠邊都唔會辣手。

係咪好方便呢?

>>想買「筲箕形砧板」可以點呢度<<

>>想買「蒸煮筲箕」可以點呢度<<

NO COMMENTS