上個星期去左愉景新城擺展銷,可能太耐冇參與面對面銷售,竟然多番甩漏,真係估你唔到,情況就如齊昕講﹕“You know this mum is not my actual biological mother,” 咁震撼。

話說我同黑面哥要一早SET場,SET完後就開始賣,一起步就出事。

IMG_20151031_115423

揾左兩個最冇記性的出黎做推銷員,首先已經唔記得產品全名,最重要的係連價錢都唔知。

好記得第一個客問﹕「張櫈幾錢?」

我﹕「你等一等,我Check Check 先!」

佢睇緊個張係Miley Chair,原來我地唔記得左印張價錢表,仲要Product Manager劉白未到,我地只能上網揾番個價。

出事,收得好差,上網同56k差唔多。

客再問﹕「咁蘑茹櫈幾錢?」

因為係熱賣產品,其實我係依稀記得大概二百幾,但係因為冇現貨,又要加番運費,我以口窒窒講260。

客再問﹕「咁個吊飾呢?」

resize_ballooon003

其實即係個飛船,你會突然覺得點解佢咁多野問,係咪供應商揾人試我地。

黑面哥終於出聲﹕「唔知…….」

客終於忍唔住問﹕「點解你地乜價都唔知? 你地點賣野?」

(客人好好,從語氣可以看出佢真係好好奇點解會揾兩個乜都唔知的人賣野,其實我都唔知,腦細叫就要做架啦!)

黑面哥回應﹕「其實你睇我地乜都唔知,就知我地冇心賣野啦,今日過黎純粹係推廣下,同大家玩下。

竟然,個客聽到後好開心,仲即刻買左個吊飾。

對於呢兩個價錢又唔知,產品又唔知的人黎講真係好鼓舞的。

分析原因,我地真係太有誠意了!

其實我地仲摸索緊Online同擺展覽的不同,所以成績不算理想。

但係我地觀察到有幾個關於砌積木有趣的地方﹕

  • 小朋友砌EQB積本時,係可以完全投入到忘記自己的父母,唔係講笑,砌左一個鐘冇走過。
  • 好多小朋友個英文名好難讀,而且係用英文溝通。
  • 不要低估小朋友的創意。如果大家知道EQB系列,有一個系列叫 My Rider,全們砌交通工具,但小朋友係冇界限的,佢竟然砌到把手提風扇出黎。fan
  • 投入程度全我地難以想像,有一個小朋友砌左支雪條出黎,然後真係伸條脷出來……

不過,我地好開心係小朋友係好鐘意砌積本,而唔係玩手機,而家長亦可以參與其中! 下一次我地一次會做得更好,我地已經按最高領導人指示,默書……記價錢!

 

 

NO COMMENTS