上回講到⋯

早幾日上晝睇左成朝倉,下晝做左半日運貨,夜晚再點埋貨,行程充實到呢⋯

果晚條腰仲赤赤痛,但我地呢架只踩地板油而brake失靈嘅跑車又向前邁進左好幾步。4個人就好似同時揸1堂軚咁,不斷左扭右扭避開沿途障礙、一路修正方向。呢種全速奔馳但又撞我地唔死嘅感覺,真係好似打機咁,令人心裡暗爽。

Final Freeway

之後幾日體力雖然已經好快回復,但精神復原比預期慢得多,好似通左一晚頂咁,狀態長期下箭咀,心諗”有冇咁誇張呀?”點知一問大家,個個都話自己狀態低沉,原來我們都老了!

經過宣傳及推廣部各位大佬出心出力兼持之以恆係咁播種,第一單生意好快就出現了(真係生客,唔係恐嚇朋友得黎嘅),而且一買就兩件!收成似乎比我地預期中快,但絕對係好兆頭,可喜可賀!

由於一切真係來得好快,所以仍然有一d我地控制唔到,要等vendor/service provider嘅野仲未預備好,其中包括叫速運上門收貨。

小意思啦!冇人上黎收貨咪自己行去順豐站寄囉!順便吸收下天地靈氣,幾好呀!
IMG_2017IMG_2018

另外一樣要等嘅野就係包裝物料。由於時間關係,我地只能夠為第一位客人簡單地親手寫上充滿誠意同感恩嘅”情深的一句”⋯

IMG_2019

THANK YOU!! 🙂

我地發誓,我地以後嘅服務只會愈來愈好,驚喜愈來愈多!

係現今世界,特別係香港,除左租金之外,其實時間係最大嘅營運成本。你一日唔爭取時間,只會一日繼續捱貴租,甚至俾人食埋頭啖湯。所以我地係唔會等,又要開車了!

Final-Freeway-OutRun-Like-Racing-Game-With-Brilliant-Gameplay-[Android-Game]-(1)[3]

就算冒住炒車風險,我地4個心裡都明白⋯

Korgears-01

我地呢個齒輪,只會愈轉愈快,愈轉愈大。

 

註: 如果想知道係我地度買咩野會有d咁特別嘅圓筒包裝,㩒入黎睇下啦!俾個貼士你,佢有種令你無可抗拒嘅魔力,因為太神奇了。而且你之前可能見過,而家係香港得我地有得賣咋!

>>齋睇唔洗錢架,㩒呢度開估先<<

NO COMMENTS