真空煲 2017 必買之選!

0
16372

真空煲

之前有個朋友去咗深井嗰邊睇樓⋯⋯

個經紀係一個外省阿姐,好重鄉音。

咁佢一路講個單位風水有幾好有幾正,又話邊個明星都係住呢度,講講吓佢同我朋友講:

「電視嗰個“賣煲”都係住呢度㗎!」

我朋友諗咗好耐都唔知邊個“賣煲”,到佢走左之後先至諗到⋯

「頂!原來係麥包!」

(而我都知道隔離呢個係邵仲衡)

無錯!今日我就係要賣煲!不過係真空煲!

其實我細細個知道自己讀書唔成,大個咗都可能要係街邊賣煲㗎啦⋯不過都算好彩,而家係喺網上賣。

如果我就咁話俾你知我介紹呢隻韓國真空煲嘅優勝之處係——平、靚、正、方便、慳位,希望你唔會嬲豬⋯

不過,呢隻韓國真空煲嘅強大之處就係——平、靚、正、方便、慳位,唔信你自己睇下啦⋯

第一,首先佢真係平

呢個真空煲價錢堅係平!相同容量嘅真空煲起碼比Thermos同虎牌平50%。

第二,佢真係靚

真空鍋一來佢唔似出邊其他真空煲要有個內煲同埋外面嗰個真空煲,冇咁笨重之餘,佢仲可以係個煲面雕花,問你死未?

你可能會諗:

雕花呢啲好死嘅啫,俾你靚一靚,我煲兩嘢乜花都無晒啦!」

Well…佢煲面上面嘅雕花係一層有專利嘅耐熱塗層,即係話,啲雕花係唔會熱到甩嘅!驚呀呢?

第三,真係好正

煎嘢、焗嘢、燜燒、煲嘢、燉嘢、中菜、西菜、老火湯,瓣瓣掂!(嘩!寫到我都肚仔餓呀!)

第四,真係方便

頭先都講過啦,佢呢個唔使分開兩個煲,可以直接加熱完之後,蓋上煲蓋,就可以變成一個真空煲。

SILVAT_IH_VACUUM_POT想打開蓋,只要移開煲蓋上嘅矽膠塞,就可以輕易將煲蓋打開(小弟試過如果唔打開個矽膠塞係絕對打唔開個蓋的)

當然,小弟係屋企都係洗開碗嗰位,所以我深深地明白,要稱得上真正嘅方便,一定要容易洗唔好黐底(尤其是啲煲呀鍋呀) ,而呢個真空煲裏面亦都有層易潔塗層,包你唔黐底!

爭啲唔記得講,佢仲可以用係電磁爐加熱㗎添。

第五,真係慳位

其實冇咗外面嗰個真空煲已經慳咗一大截位,加上呢個煲咁多用途,有佢一個,你都買少幾隻煲啦。

(認真,慳位真係好重要囉~我呢啲窮鬼,住得個二三百呎屋,多個煲係屋企就少個位企㗎啦陰公豬~)

真係韓國造嘅真空煲

同我哋其他所有貨品一樣啦,呢個真空煲全韓國製造,而市面上大部份嘅真空煲都係日本製造(例如Thermos真空煲、Tiger真空煲),而功能上亦都大同小異。

所以如果你係第一次買真空煲,唔使諗一定係買呢隻啦!不過如果你用開其他牌子悶悶地,咁咪試吓呢隻新嘢囉。(試過包你返唔到轉頭)

>>宜家可以喺呢度買<<

NO COMMENTS