其實真愛呢樣嘢呢,小弟都真係冇乜資格講⋯⋯

真愛

事關小弟三十歲人只係拍過一次拖咁大把,一拍就拍咗成十年⋯⋯(你知啦,有啲人覺得要試過’珍饈百味’先可以搵到真愛ga ma)

不過點解今日要講呢個Topic呢⋯⋯?

事關近排同班後生仔女工作,縱使我個人平時幾咁孤僻,行開行埋少不免都要吹下水。

咁我個人又衰嘅,除咗關於生意同personal development嘅嘢,唯一可以同班後生仔吹到嘅只有⋯⋯

⋯⋯男女關係。(我以為)

咁我寫得呢個標題,大家都知”真愛”呢兩個字都好難會出至呢班後生字口中⋯⋯

咁佢地講啲咩呢:

「嘩,我今晚真係要J下同事A呀~」

上面呢句說話如果係出至一個血氣方剛嘅男同事,都好正常⋯⋯

但現實係,講呢句說話嘅係一個女仔⋯⋯

而我當下只能夠慢慢遠離討論嘅戰區⋯⋯

又有一次,夜晚收工咁啱又喺地鐵遇到呢班後生仔。

喺地鐵車廂入面,有趣嘅事情發生了:

一行9人,以4 – 1 – 4嘅陣營排開⋯⋯

唏噓嘅鬚根一大班人裡面分開小圈子呢個我十分明白⋯

⋯但係當其中一group入面嘅A男B女,手搭手咁揸住碌柱、一齊飲同一支水、卿卿我我嘅時候,另一group嘅一個C男則喺遠處以憂鬱嘅眼神(爭在冇唏噓嘅鬚根),望住個女仔⋯

天真的我,以為:

「咦~雖然只能遠觀~但係呢啲咪真愛囉!」

點知⋯⋯

之後先知完來之前C男同B女擦出愛火有啲曖昧但係B女嗰陣有男友C男又等唔切轉溝學妹點知B女又分左手但係又嬲C男唔專一所以搵A男做煙幕⋯⋯

一句講晒,好亂呀!

還是我太天真太傻呢?

仲有一單仲離奇:

話說小弟有次同女同事V吹水,得知阿V女每日Schedule都好full,每個禮拜都好難先可以同同樣係讀緊書嘅男朋友夾時間見面⋯⋯

我又好naive咁”主觀”地諗:

「嘩,咁忙都抽時間見面,so pure~ 唔通呢個世界真係有真愛?」

唉⋯⋯

點知⋯⋯

真愛3日後,俾我見到同事V坐一個fulltime男同事嘅烈火戰車收工,當然戰車男就係新男友啦⋯⋯

嗰一刻只有一個疑問喺我腦海中盤旋:

「3日⋯⋯咁快,真係得㗎咩!?」

不過算啦,我好快就釋懷⋯

⋯因為我已經接受咗⋯

接受咗呢個世界係污穢嘅!

今時今日要尋覓真愛,少不免要沾污別人、或者被人沾污下⋯⋯

所以我只能夠寄予呢班後生仔:

出去食嘢,記得要戴番個「為食手指套」。

安全、方便、又衛生!

以免食到成手污糟晒,整污糟埋下一個你生命中遇到嘅真愛就唔好啦~

不過呢個套,7仔冇得賣⋯⋯

《要喺呢度買》

 

NO COMMENTS