益智玩具

如果我細個有得玩呢啲益智玩具積木…

好可能,我今日已經係一條人中之龍啦!

講係咁講…

基本上細個阿媽都冇乜買咩玩具俾我⋯

不過我又唔會怪佢嘅,話晒養我育我,最多俾少啲家用囉。

不過諗番起細個嗰陣,又Game Boy,又紅白機,又超任⋯⋯

我諗我四年班已經冇再玩玩具,而專注於係我嘅打機事業。

所以小弟嘅人生真正玩玩具嘅時間唔多,更莫講話咩益智玩具啦(亦都冇乜玩具玩啦細個咁窮)。

最多都係玩啲BB戰士啊、聖鬥士星矢啊嗰啲嘢⋯

到宜家…

喺街度見到啲小朋友細細個就拎住部iPhone iPad喺度迷晒咁係咁篤⋯⋯

就發誓第時一定唔會喺仔女面前玩電話同埋唔會塞部iPhone俾佢地迷…!

不過⋯⋯

小朋友唔玩呢啲,可以玩邊啲?」

有咩益智玩具真係益智又好玩??

益智玩具積木重點係

唔係發明玩具嗰條友話佢益智又好玩就得㗎,你話就係㗎啦咩⋯?

好多父母以為有個“專家”喺度講兩句就係真,搞到自己曬曬啲錢,啲仔女又冇得益⋯

所以…我覺得呢,一定要大人都覺得件玩具好玩同益智先囉。  

所以呢,呢啲嘢我唔親身玩過我都唔敢介紹俾你地

以下我介紹呢個玩具積木就真係我自己玩過,唔單止覺得好玩,仲要用下腦,發揮想像力,呢啲益智玩具就真係好玩啦!

唔信你睇下呢條片:

除咗益智同好玩之外,呢舊玩具積木仲有啲咩好呢?

唔講其他啦,淨係講佢100%由韓國製造已經夠啦,因為都係嗰句⋯

充電電鑽(講吓笑啫~)

玩具積木

雖然佢唔係來自德國嘅益智玩具,但係佢都拎過兩次德國玩具大獎㗎!

當然佢係用無毒實木製造嘅玩具,適合小朋友或者幼兒玩,一來佢哋擺落口都冇問題,二來佢哋咬唔爛,非常之咁啱俾啲小朋友玩啦!

仲有就係,你見到有個好特別嘅圓形骹位,呢個其實係一個專利產品叫「Click’N Turn」,令到啲小朋友需要用啲力先可以掹開兩舊積木,合埋嘅時候亦都要對啱位,先至可以完全接合。

有咩好⋯⋯?

  1. 可以訓練到佢哋嘅手力和前臂微細肌肉
  2. 亦都可以訓練佢哋手眼協調(嗱,啲專家又會話: 唔!咁就可以提升佢哋腦部潛能! )
  3. 透過砌積木嘅過程,讓小朋友自己學識用力嘅方法

 

所以呢,要綜合晒以上咁多點,又要安全可靠,又要訓練到小朋友各方面嘅能力,先至為之一個好嘅益智玩具

認真,呢啲咁好嘅玩具唔容易搵到,不過而家你就可以⋯

>>喺呢度可以買到啦<<

又講返,如果細個嗰陣老母有買呢啲益智玩具積木俾我,今時今日,我個人醒啲,揾錢揾多啲,家用都俾多啲啦~[值得投資㗎:D]

NO COMMENTS