首爾楓葉

秋風起,又係時候黎韓國睇楓葉啦!如果計劃10月11月黎韓國,又知唔知去邊到睇楓葉最好呢?嗱~我就唔會自私知既,以下犀利呀就揀左幾個我心水既好地方俾大家,唔好錯過啦!

 

第3位:慶熙大學(首爾)경희대학교

1慶熙大學(首爾)要講睇楓葉,點可以唔介紹我學校俾大家呢~慶熙大學景靚就好多韓國人都知,呢學校春天有櫻花秋天有楓葉,每年都有吸引左唔少韓國人黎影相架!

 

雖然楓葉量唔算好多,但除左楓葉,仲有其他建築物影下,唔會太單調。而且,學校係首爾,位於1號線回基站,交通算方便,上午去睇完,下午再去其他地方玩都無問題。

 

第2位:首爾林 서울숲

叫得首爾林,即係佢都係係首爾架啦~首爾林其實係公園黎既,有5個園區,裡面花草樹木就自然都多啦!所以佢既楓葉量會多過慶熙,影相出黎既效果都唔差。

首爾林 首爾林

 

 

 

 

 

 

另外,首爾林唔單止大,裡面仲可以喂鹿添架!建議如果去首爾林既話可以邊野餐或者踩單車,邊影相,享受下係韓國既慢活生活。(圖片出自韓國觀光公社)

 

第1位:南怡島 남이섬

南怡島 南怡島

 

 

 

 

 

相信南怡島呢個名大家都唔陌生啦!其實一年四季幾時去南怡島都好正,不過秋天去既話,周圍都係楓葉,想點影都得,風格圖隨手影都係風格圖隨手影都係呀。

南怡島南怡島

 

 

 

 

 

加上南怡島附近仲有其他景點,可以黎個1日遊,一次過滿足哂多個願望。正所謂冇圖冇真相,究竟南怡島楓葉有幾正,唔講咁多,大家直接睇圖啦!

南怡島

預測韓國楓葉會係10月中開始到11月中完,想睇既話依家買機票都唔遲架!

NO COMMENTS