kwongjong2a上次講到飲完甜米露,之後我就去左食餃子。可能大家會好奇,點解我會食係香港都有既野。其實作為留學生,我係無得成日番香港架…係韓國有唔少食物都同我地平時係香港食既味道有好大分別。

當中, 餃子係其中一樣,韓國人叫餃子做만두,外觀同食開個啲冇咩分別,不過皮就再薄啲。食落去啲肉有少少膻味,我個人就係唔中意呢隻味。

但係,係廣藏市場食既呢隻,係香港食開既個隻韮菜味。肉一啲膻味都無,好有媽媽既味道,份量又多,一碟7隻4000won,好抵食。

 

kwongjong2b食完餃子之後,就去左食生八爪魚(15000won/1份)。係韓國食生八爪魚係好普通,好多阿叔會一邊食生八爪魚,一邊嘆番幾杯燒酒既。我叫左份生八爪魚之後姨母就俾左一人一杯魚糕湯(어묵탕)我地,韓國人好興食野個陣,送啲額外既食物俾客人,希望啲人食完再叫多啲或者係下次再番黎食咁既。韓國人會叫做서비스,通常서비스都係魚糕湯,汽水或者係小食,所以下次食野個陣,有收到서비스個陣,記得多謝人呀~

識食一定係生八爪魚加啲韓國辣椒醬一齊食,食落唔會有腥味,仲甜甜地咁。姨母後來仲送左紫菜同海螺刺身俾我,大家下次想攞서비스既話,可以試下瘋狂讚下啲野食好味,會易啲有서비스架….

睇完我既介紹,下次去韓國就知邊到有好野食啦~

NO COMMENTS