犀利呀

黎到韓國,大家一定有好多美食Mark左一定要食架啦~不過,韓國咁多好野食,要食哂都要一啲時間,如果行程唔夠時間,食唔哂咪好唔抵!所以呢~就為大家介紹下廣藏市場啦!

廣藏市場(광장시장)係位於鍾路既,撘地鐵係 종로5가 4號出口就可以去到。成個市場好大既,建議唔好一入門口就買野食,咁樣會好快食飽。

廣藏市場出名食物款多,量多又抵食,所以最好就多啲人一齊去,因為可以Share黎食,冇咁快飽之餘,仲可以食多幾款添!由於係傳統市場既關係,大家最好準備多啲現金去,同埋盡量唔好俾50000won,因為找錢要計數,人流又太多,好易找漏錢架。

咁上星期六(토요일)我就同左啲朋友一齊去左廣藏市場食野啦~因為係星期六,係比平日仲多人既,建議最好都係平日去會好啲,會行得舒服啲。

犀利呀為左可以食多啲,我早餐都冇食到,所以一入到去,就跟住啲韓國人排隊買好出名,必食既綠豆煎餅(빈대떡),一個都係4000won姐。

本身見到佢係好多油咁半煎炸,以為會好油同好膩,點知食落第一啖好脆仲一啲都唔油!亦都唔會好粉,啲餡冇散哂跌出黎。個餅好足料,厚度有番咁上去,配埋個洋蔥汁食,真係會好食到停唔到!
犀利呀之後再買左個麻油壽司(마약김밥),我個人就覺得冇咩特別,因為裡面既餡只係有黄瓜同紅蘿蔔,有啲單調。對於食肉獸黎講,我都係中意食有肉既(김밥)多啲。

 

Korean food4食野個陣叫左杯甜米露(식혜),係韓國好常飲既飲品,1000won一杯,甜甜地,我覺得有啲似飲蔗汁既感覺,推薦大家食滯左可以飲番杯解膩。

實在係太好味喇!今次講住咁多先,下次再介紹多啲好野俾大家~

 

NO COMMENTS