浪茄灣 – 【2017必去最美沙灘】

0
11680

浪茄灣如果我話浪茄灣係香港沙灘中嘅秘密天堂,應該冇咩人會反對⋯⋯

皆因佢唔容易去!

但係喺我講點去浪茄灣之前,你必須要知道佢有幾正⋯⋯

⋯⋯同埋點解咁難入去都要去!

如果唔係行開山嘅朋友,對浪茄灣嘅認識可能只限遊船河會泊岸嘅沙灘。

當然,本身浪茄灣已經係一個好靚好靚嘅沙灘,水清沙幼唔在講⋯

⋯佢三面都俾山圍住令佢成為咗一個天然堡壘,一來冇車可以直接到;

二來最快都要行大約20 ~ 30分鐘嘅山路,先可以到達呢個咁隱秘嘅沙灘(最下面會教大家點行),所以人極少,變咗好似係你嘅私人沙灘咁~

浪茄 行山

我記得對上一次去已經2、3 年前:

30幾度高溫底下,踢住拖,由西貢東霸經山路行入去。

呢條山路入去過程唔難行(所以踢拖都得),而每一次行到中段,都會俾呢個景色吸引住,停留一陣⋯⋯

(大家唔洗驚會有好多船就會有好多人喺沙灘,呢度咁多隻船,但係最多都係3、40人會上沙灘)

不過呢條路黃昏時份會比較多蚊,所以要做好防蚊措施,強烈建議要帶呢個電子驅蚊器

驅蚊

行過呢條路之後就會一路落沙灘,有石級俾你行,但係每一級都好大級,所以都要小心行哦~

向下行大約10分鐘,就會去到一個小叢林,行過叢林就係沙灘㗎啦(有一種發現世外桃園嘅感覺)~

而我上次去浪茄灣,水都未落,鋪咗張蓆就喺上面瞓著咗⋯⋯

仲記得附近有兩個好白淨嘅日本妹,著住Bikinis(遠睇好似幾靚嘅)瞓喺度曬太陽,仲有隻柴犬走嚟走去⋯⋯

喺我嘗試喺烈日當空底下進入冥想狀態嘅時候,有啲嘢喺我耳邊索下索下⋯⋯

一打開眼,就見到隻柴犬可惜唔係個日本妹喺我個頭度係咁聞⋯⋯

然後個日本妹喺遠處用唔咸唔淡嘅廣東話大叫:

「炒麵!炒麵!COME HERE!」

「炒麵」當然冇理佢繼續喺度聞我個頭啦⋯⋯

浪茄灣然後其中一個著住白色Bikinis、扎住髮髻、戴住黑超嘅日本妹,跌跌盪盪咁跑過嚟想捉番走佢⋯⋯

近睇,堅靚嘅!

身材有啲似佐野雛子嗰款⋯⋯

佢走過嚟微微鞠躬,用唔咸唔淡嘅廣東話講:

「唔巧耳思!」

跟住落嚟,當然咩事都冇發生⋯

⋯因為女朋友坐咗喺我隔離。

不過,呢段小小嘅經歷,令我更加肯定一樣嘢:

浪茄灣,的確係一個天堂!

唔信,你又睇下呢段我喺YOUTUBE搵到嘅片(I mean啲沙真係好清,啲水真係好幼^%$#$)⋯⋯

如果再去,一定會試下喺浪茄露營,唔洗帶好多嘢,帶個COOKOUT 850就可以煮嘢食!

電筒同露營燈就可以帶細細個、但係光度同持久力都夠晒強嘅 LYCAN PRO T6 或者 Monster Eye,又PRO又慳位!

跟住呢個《露營用品清單》執嘢就一清二楚啦

浪茄灣點去?

西貢郊野公園

基於小弟唔係真係好熱衷行山,所以一定唔會由西灣亭嗰邊入(要行幾個鐘頭㗎)⋯⋯

所以我覺得最快最舒服去浪茄灣嘅交通方法係:

  1. 西貢碼頭截去萬宜水庫東壩嘅綠色的士
  2. 落車就會見到去浪茄嘅指示牌,請沿路上去;
  3. 沿住山路先上後落,就會去到沙灘。

注意事項:

  • 浪茄屬於西貢郊野公園範圍,私家車冇許可證係唔可以揸入去的,所以搭的士穩陣;
  • 雖然人煙稀少,但一日裡頭經過浪茄灣行山者都唔少,所以要保管好自己嘅財物;
  • 因為該沙灘冇垃圾桶,更冇清潔該處嘅人員,所以務必要將垃圾帶走,以免破壞咁靚嘅沙灘。

希望呢啲小TIPS幫到大家,同埋大家都鐘意呢個「秘密沙灘」啦!

喜歡野餐嘅朋友可以睇下呢篇野餐地點2016 - 11塊最適合野餐草地!

NO COMMENTS