coworking space

話說琴日KorGears 4子去左搵coworking space,諗住認認真真咁搵個地方辦下事咁樣…

分別去左3間,體會都幾深。coworking space

有一間一入到去(唔開名啦),小弟第一個感覺係好似入左SPA,令人好想瘋狂瞓覺。

入去參觀嗰下真係好似去開房,呀唔係,參觀OFFICE至真。

有啲帶你參觀嘅時候又會私自開一啲有人租緊、但係個租客又咁啱唔喺度嘅房俾你睇,WELL,好冇安全感囉~

又有啲,連個老細都唔熟知每一間房嘅實用面積(TOTAL都係十幾間房啫),租幾錢,寬頻有幾多MB⋯重要捉咗我地入房同我地講一大堆理念-_-#⋯⋯

真係想問佢,其實佢究竟知唔知自己做緊咩呀⋯?

而又有啲,雖然睇落好似好年輕,唔係好識野咁⋯但係由佢第一下同你握手,你已經感覺到佢嘅誠懇(不論佢的握手技巧係幾咁清澀)。

而由佢第一步開始帶人參觀,你會感覺到佢已經當咗你喺呢個 coworking space 嘅一分子,好鬼有歸屬感囉。(小弟認為呢樣係run一個 coworking space 嘅重點之一,可以凝聚到一種culture)

當然啦,揀 coworking space 呢家野都係要睇番你自己個人需要

我以上所講又唔係一個絕對嘅準則。(當然內裡亦包含極多個人偏見啦~)

不過認真,理念呢家野呢,唔係用口講出嚟,而係喺你待人接物、服務或者處事手法上表現出嚟嘅。

你嘅客人,係一定會感受到!co working space

正如魔童王維基要提供最頂級嘅客戶服務,佢唔會用口講囉,佢重會親自去serve你,誓要你攞到部咖啡機為止。

我地KorGears4子都一樣,決心要提供極高質素嘅客戶服務水平,至於有幾高,我地唔會用口講,不如你親自入嚟買野感受下啦~(真係唔係sell野丫吓!)

NO COMMENTS