挑戰者

每個人天生都係一個挑戰者⋯⋯”

嗱,唔係要扮個人有深度呀吓⋯⋯

純粹喺近期嘅工作機會當中有感而發,想同大家share下。

近幾個月得藍牙介紹之下,有機會同一班年輕人共事(平均細我10年啫,其實我都好後生)⋯⋯

當然,剛開始嘅時候係有啲唔慣⋯⋯

⋯⋯唔慣啲乜?

「點解班?仔?好做嘢咁求其?」

「點解班友成日遲到?」

人無完人
圖片來源:毛記電視

點解條友講嘢好似唔經大腦?」

「點解⋯⋯」

數之不盡嘅唔知點解。(當然,唔係全部人都係咁啦)

好似林健鋒議員所講:「人無完人。」

大家都係性情中人,係人就總會犯錯㗎啦~

亦都基於小弟個人嘅信條,我相信每個人都是挑戰者。

人只會面對挑戰嘅時候,先會認真做好眼前嘅嘢。(好似係)

若果真係咁,即係話唔係佢哋能力有問題⋯⋯

亦都唔係佢哋態度有問題⋯⋯

應該都唔會係因為佢哋係90後嘅問題⋯⋯

唯一嘅問題,就係我哋管理層嘅問題(小弟其中一個信條係,所有嘅問題都係我嘅問題)。

之不過,如果係我嘅問題,又應該點去解決呢?

小弟喺同呢班年輕人做嘢嘅時候發現咗一個現象⋯⋯

挑戰

⋯⋯最嚴重嘅錯誤通常發生喺最休閒嘅時候⋯⋯

⋯⋯反而忙到甩轆嗰陣,佢哋係零錯誤兼效率奇高!

就算係一啲平時俾人感覺好廢嘅同事,俾我調佢去到一啲最忙碌兼且要multitasking嘅工作岡位⋯⋯

⋯⋯頓時變咗另一個人咁!

證明咗,只要佢哋肯做嘅,基本上一定做到。

當然,你可以話佢哋犯賤,一定要到緊張關頭先肯認真做嘢⋯⋯

⋯⋯你亦可以話佢哋係天生嘅挑戰者

面對眼前嘅難關,坦白講,小弟眼見好多出嚟工作好幾年至好幾十年嘅人,多數都縮⋯⋯

你要呢班人學新嘢?

一句:「咪搞我!」,擰轉面就走。

小弟最近睇緊一本書 —— “Work Rules!” —— 由現任Google人力資源主管 Laszlo Bock 著,書中講到:

Google其中一個用人嘅戒條,就係對員工投以100%信任,並且鼓勵每個員工都將自己視為公司嘅創辦人,精益求精。

朋友經常提醒小弟:「權力令人腐敗」

叫小弟千祈唔好下放太多權力俾呢班年輕人⋯⋯

可能權力真係會令人腐敗,不過小弟相信只有喺一個充滿競爭嘅環境,人先會濫用權力。

相反,如果喺一個100%自由嘅環境,給予佢哋嘅權力,會變為創意(唔好話我天真膠)。

呢種創意不但會令呢班挑戰者哋不斷求進步,更有機會幫公司創造更多新意念、新機會(好似係)。

Sorry,呢篇又認真咗⋯⋯

唔講咁多,去我哋個Shopping Site睇下有咩買先啦~

NO COMMENTS