想做就做啦

仲等?Sorry你既人生又少左一次開心嘅機會。

自你有記憶以黎,到底放棄左幾多幾多你想做嘅事⋯⋯?

7歲想落街踢波,呀媽一句話唔俾,你坐定定做功課,但個腦諗住自己入龍。

14歲想學鋼琴,覺得自己太遲又好似無能力,但個腦諗住自己係台上演奏嘅情景。

21歲想創業做老闆完夢,人地話你知呢個時勢搞生意挺執笠,你左諗右諗諗左幾年,繼續打工。

28歲想生小朋友,”生個小朋友要四百萬喎”,你繼續係屋企睇TBB食薯片,過多幾年變高齡產婦。

… …

7歲想落街踢波,無理阿媽攬住個波衝左落樓,你帶住一身汗比阿媽鬧住做功課,面帶笑容。

14歲想學鋼琴,你膽粗粗落樓下琴行報左名,今日你有資格著住一條好靚嘅晚裝裙做表演嘉賓,係台上盡情演奏,得到掌聲。

21歲想創業做老闆完夢,你攞住少少本錢租左個鋪位,望住間鋪一步一步咁落成,依加生意開始上軌道,你攰,但滿足。

28歲想生小朋友,29歲小朋友出世,由Bb出世個一刻開始,到今日”爸爸”前”媽媽”後,所有嘅喜悅已蓋過所謂四百萬。

… …Screen Shot 2016-01-18 at 4.19.16 pm

而,2015年⋯⋯

林日曦想搞勁曲金曲總選,佢話:「就算蝕錢都要搞,鬼叫好玩咩。」

#多謝SHELL於是…你懂的,#多謝shell。

等咩?有時,得與失,就係喺個一剎那。

即使最後可能失敗,至少喺開始同過程中,已經得到快樂,亦令自己 無悔。

NO COMMENTS