劉萬利大排檔大排檔對我嚟講簡直係又愛又恨⋯⋯

無數次嘅飲酒吹水不醒人事⋯⋯

無數次嘅肚痾⋯⋯

但係大排檔就係有一種魅力,令你癩過幾多次嘢你都要返去食!

可能係嗰種好Raw、好隨心、但係又好粗獷嘅感覺⋯⋯

小弟中學嘅時候喺沙田博康嗰邊讀書。仲好記得每日lunch廚唔係劉萬利、就係金沙角大排檔,食到嘴都咩⋯⋯(唔食博康大排檔因為中太多次伏)

縱使每日都有唔同國家嘅菜式,但都只不過係流於紅汁、白汁、黃汁(介乎咖哩與葡汁之間),同埋雞、牛、豬嘅選擇⋯⋯

大排檔嘅午市就係咁⋯

⋯況且我哋呢啲又唔係富二代,邊食得起D即叫即炒粉麵飯啊⋯⋯(灰)

只不過呢,係嗰度大排檔食又有個好處,就係側邊有檔雞蛋仔

大排檔呢檔雞蛋仔第一大嘅特別之處係,個老細係一個彪形大漢,雖然佢個樣有啲醜,但係佢嘅手瓜起晒碾,仲粗過我碌大脾⋯

佢呢種咁粗獷、咁RAW、咁凶狠嘅大男人,去整咁甜絲絲嘅甜食,呢種落差反而成為咗嘅招牌,勁多學生妹都幫襯佢!

不過佢最撚手嘅唔係啲雞蛋仔,而係佢嘅夾餅!

皆因佢落砂糖同埋煉奶,好似唔洗錢咁,成個夾餅,你食到啲糖同奶仲多過個夾餅。

嗰陣時,每一日放學然後過去沙田自修室扮溫書之前,幾乎每次經過大排檔都會買返個夾餅食下,直到有一次⋯⋯

我記得嗰日又係好似今日咁成30度,仲要勁焗。

大隻佬個檔口因為唔屬於大排檔,所以佢只能夠擺喺大排檔側門,enjoy唔到入面D冷氣⋯

⋯佢標哂大汗不特止,D汗仲要係好似水珠凝結晒係佢身上面咁,果陣我又少不更事,乜都冇理,照叫咗個夾餅多糖多奶⋯⋯

啊,唔記得有樣嘢不可不讚佢嘅,就係佢永遠都係即叫即做,絕對唔會賣啲凍咗嘅俾你。

如是者,我就睇住佢做啦(睇下佢有冇多糖多奶啊麻)⋯

⋯一見佢開始做,我就知癩嘢啦⋯

我見佢一路做,啲汗就一路滴,滴到一地都係水⋯⋯

但係又好神奇地,啲汗又一滴都冇滴過落去個爐或者個餅度,個一刻,我覺得簡直就係神乎奇技⋯

⋯頓時,對呢檔雞蛋仔又更有信心,直到俾錢嗰下⋯

大排檔佢滿頭大汗,但係仍然笑住咁但係遞包夾餅俾我,就係呢一刻,俾我眼尾見到佢手踭有滴汗,滴咗落盒砂糖度⋯⋯

一滴、兩滴、三滴⋯⋯

整整三滴。

我同佢講完唔該,然後慢慢離開佢視線範圍以外,就將個夾餅掉咗,並且以後都冇再幫襯⋯⋯

唔好以為我好小氣(紅牛先係方丈),成件事我無怪過佢,搵食啫,怪只怪天氣不似預期⋯⋯

不過,如果係今時今日,我一定會建議佢用:

冰涼頸圍巾-X

只要擺喺冰水裏面浸幾分鐘,就可以維持幾個鐘嘅冰涼效果,絕對適合戶外活動或戶外工作人士。

咁就唔洗成頭大汗咁尷尬啦~

>>宜家可以喺呢度買到啦<<

NO COMMENTS