Just Do It

由於我地主打賣嘅係韓國創新而實用嘅百貨,所以近排留意左好多關於韓國嘅新資訊。

其中韓國Nike一個最新廣告就將有關品牌tagline ”Just Do It.” 嘅理念用畫面完美地詮釋出黎,形容得幾入心入肺。

記得藍牙曾經分享過,不論你想做任何事,總會有把小小嘅聲音同你竊竊私語咁叫停你,有時係身邊嘅家人同朋友,更多嘅可能係自己同自己講,同片中李榮杓一模一樣。

運動如是,創業亦如是。

  • “唔好浪費時間啦”
  • “跌倒衰左冇人會可憐你架”
  • “正正經經搵份工咪算囉”
  • “咁難咁辛苦究竟做黎為咩呢?”
  • “跟住前人條路行咪穩穩陣陣囉,係都要屎忽痕攞苦黎辛”
  • “唉… 不自量力…”
  • “你估咁容易做到咩?”

以前經常諗,

如果要孕育自己嘅生意,將佢做到最好,點解唔準備得充足d先正式執行。但同藍牙共事得多,漸漸發現如今世代訊息萬變,市場亦不時在變,要準備好哂先執行往往就太遲了。

對我黎講,

每一個新project都係一個新嘗試、新挑戰。今次KorGears呢個project,網店籌備工作如箭在弦,同時又充滿未知之數。不過經歷無數試練,自己亦由初時嘅少許緊張,到而家已經開始慢慢學識享受箇中刺激同樂趣。

剛剛有位創業朋友因為同拍檔理念有所分歧而撤離自己生意,聽完都有少少黯然。

慶幸我地KorGears 4傑雖然個性南轅北轍,但目標仍然一致。只要有合拍伙伴,各司其職,一路修正下來,相信呢架一行4人、有前冇後、失控暴走嘅列車應該唔會炒車撞山嘅。

未知大家同意與否,係小弟眼中,合拍伙伴嘅定義就係能夠…

互相補足,卻又互相制衡;

互相鞭策,卻又互相學習。

 

所以到而家我仍然每一日都向同伴學習,每一日都在自我調適。至於有關幾位同伴嘅長短處,呀唔係… 係長處至岩,容後有機會分享啦。

諗咁多做咩吖,做左先講啦~

Just Do It.

紅牛

Just Do It

NO COMMENTS