共享經濟

今日老細捉咗我入房,又喺度發表佢嘅偉論,同我提起共享經濟,不過意思係要我同佢共享我嘅經濟⋯⋯

共享經濟我心諗:「你係咪忽咗啊老細⋯⋯」

話說,早兩個月有個客同老細講開共享經濟(Sharing Economy)呢個詞語,意思即係話通常依家啲人搞一個campaign,會搵埋其他品牌一齊share個campaign,然後利用各品牌嘅影響力去帶俾大家更多生意,降低成本,增加利潤。

意本身係咁嘅⋯⋯

不過我老細同我講嘅潛台詞就梗係唔係咁啦。

皆因我老細本身又知道我自己出邊有自己嘅生意;二來又見我今日全日係公司對住部電腦又冇call客;三來今個月又未有數返,哈哈。

(正如之前有篇籃牙亞所講「創業好X難」,真係好用腦的。所以難免返工嘅時候發下夢啦⋯⋯)

咁佢就同我講下共享經濟咁話,睇下我自己啲生意有冇得同佢啲生意crossover下,幫下佢啲生意咁話。

唉⋯⋯得啖笑。

不過講開又講啊,真係越來越多品牌會用sharing economy呢個模式去經營,尤其是香港,你諗下,啲租金越嚟越貴,但係喺實體店鋪買嘢嘅人有少無多,就算依家好流行講緊嘅O2O(offline to online),認真,喺香港真係冇乜邊間公司做得特別好。而又真係冇乜公司係可以幫你啲品牌support到中間嘅連接。

所以呢個「共享經濟」喺香港應該都會幾多發展空間。

嗱,我知呢篇講啲嘢係認真左少少,可能會悶親大家。

不過其實我哋都係想喺呢個BLOG有啲嘢俾大家笑吓之餘,然後又有啲value帶到比大家,咁大家入到我哋個購物網站買野,都買得舒暢啲吖。

唔講咁多,入嚟唔睇下都買下啦

NO COMMENTS