電鑽

土地問題,連買個電鑽都⋯⋯

是咁的:

電鑽

以前同屋企人住村屋, 地下連花園千幾尺(利申: 層樓係廿幾年前好平買落的),老豆又有鋪癮鍾意自己搞下裝修⋯

⋯得閒拿支電鑽鑽下野,有時又鋸下木咁,連帶花園有一大PART都僭建左個工作室俾佢自己玩。

(可能對男人嚟講,一個工具室就等如佢嘅武器房。)

雖然小弟麻麻地鍾意出去餵蚊,不過有時需要鋸下野鑽下野做下手作仔,都咪話唔方便!

不過自從一年前搬左出來住之後,屌得個300尺,重要STUDIO FLAT⋯

⋯而基本上大部分既地方都已經俾女朋友既衫褲鞋襪佔據左⋯⋯

以前用開部大牛龜DESK TOP搬埋過來,都俾人鵝左我幾個月嫌佢阻L住,局住我要破費買部NOTEBOOK⋯⋯(講真,用開有感情,手感唔同GA MA…)

而事實上,雖然屋仔細細,都咪話唔多野搞⋯⋯

又衣櫃,又梳化,又咩又剩咁,IKEA買番嚟,咩L都係小弟一個人揼(唔通條女會落手咩on9)⋯⋯

好多時得支十字同一字鈚看門口真係唔多夠,擰L到我手跛⋯⋯

俾著以前,我出花園拎支電鑽上粒螺絲都唔洗三秒⋯⋯

家陣,我砌張IKEA雙人梳化床砌左兩日呀hihi⋯⋯

你話買個電鑽咩,條女話冇L用,咁大盒野邊有位擺? 總之就屌晒鬼啦…(唔知點解佢買鞋就有位…)

不過,近排俾我見到樣新野⋯

⋯一隻手掌咁大部既迷你電鑽 (同一個正常電鑽既充電器差唔多大)。

上落螺絲唔洗講,鑽木鑽窿一樣掂! (唔信你自己睇下)

充電電鑽

仲要係韓國仔做既,唔好話睇唔睇得先,起碼唔L會爆炸先啦hi!!

仲要係用USB充電,問你死未!

不過奇就奇在,佢有黑色同粉紅色兩款,唔通諗住俾女仔用?(唔係性別歧視丫下,我知女仔有時都有需要~)

仲有條手繩俾你吊住…(方便你隨街拎住去鑽野…?)

電鑽

不過算啦,呢隻野細細隻又靚仔又慳位,重送埋成SET電鑽鑽頭,都係幾舊水有找,扺屌啦。

如果你唔係工程佬要用pro嘢,我推薦你用呢隻充電電鑽!

>>想買番隻USB充電電鑽看門口可以去呢到<<

NO COMMENTS