戥穿石

步入三章野,身邊朋友開始結婚,做戥穿石既次數越多越多,見到的趣事亦越來越多,今日分享下其中幾個有趣畫面。

好唔想做兄弟既兄弟

揾得做兄弟九成九都係好朋友,或最少係朋友,筆者試過親眼見做兄弟的對於新郎哥的所有建議都鬧同否決,完場後更座埋一齊係訴苦。例如新郎哥想有個Dress code,但做兄弟的又話熱又話敏感,又話唔好睇……其實都係捱一日姐。

做做下兄弟走左去踢波

認真,大日子當日,下晏行完禮一齊出發去映相,跟住突然話約左人,然後去左踢波,踢到開席前先番。

後補兄弟

小編有個朋友可以話係預用後備兄弟,唔知點解big day當日梗係有兄弟會no show,又唔知點解佢又總係有時間,仲要發生超過兩次,兄弟都可以有後補……

毒L兄弟幫

小編有時都會覺得自己毒毒地,一個人食飯,一個人睇戲等閒事,但做兄弟由朝到晚都係3個圍埋一齊講ACG,我真係即時有番自信。

姊妹問攞開門你是,佢地講左一句我聽唔明的日文,然後大叫……

我真係O晒嘴,眼都突埋……

職業兄弟

做兄弟小編覺得最緊要真心,唔係因為被要求做而做,新郎哥俾利是都係一番心意,是多是少又有乜所謂,最正聽過係一班圍內兄弟講(當然新郎聽唔到)﹕Roger 之前俾 500喎,今次得100,好難有熱情喎

忘記了自己係兄弟

曾經去過一個晚宴,兄弟忘記左自己係責任重大的MC,未開先飲醉,台都上唔到,結果只剩下女MC一個做獨腳戲。

不知大家各位做兄弟的心態係點,小弟真係覺得係一種榮幸,亦可以見證好朋友成家立室的一刻,其實滿是感動的。如果識左好耐,更加係無盡回億上心頭,眼泛淚光是少不免。

By the way, 琴日係小編的中學同學大婚日,謙,祝你同老婆欣欣愛愛,百年好合,永結同心。

NO COMMENTS