白痴

白痴是咁的:

係西鐵總站紅上車,對面坐咗兩母女。

細嘅,一坐低就攞本功課出嚟做,大嘅,一坐低就攞住份應該係啱啱派返落嚟嘅考試卷。

見到呢一幕,我個心揪左一下。

我嘅視線不斷係佢兩母女間徘徊,呀媽睇到條眉就黎變一字,呀女做到眼就黎變鬥雞。

「呀女你白痴嫁!」

嘩。呢一句說話同「特首地位係超然有得揮當堂嚇到心都離離。

「呢題擺明送嫁啦都錯?」

妹妹出聲,望住份卷個樣好內疚。

心,又揪多一下。

呀老母,如果你女有你四五十歲嘅思維,我相信佢依加都一定諗緊

白痴

「老母你係白痴嫁?」

呀媽繼續講,呀女繼續做。

老母將每一題錯嘅都講一次:「唔係嫁,係點點點⋯⋯@#$%^&*(*&^%$」

由紅去到錦上路,妹妹終於哭了

「喊係無用嫁!」

心,再次揪多下,好痛。

忍唔住企起身,指住老母個頭,大大聲:「你係白痴嫁,無用!」

當然,我只係幻想當做,如果唔係你依加應該會係FACEBOOK見到一條「師奶大戰港女」嘅片。

孩童只盼望歡樂 大人只知道期望

其實香港嘅小朋友生存係香港嘅教育制度低下已經好慘⋯⋯

苦呢頭賣曬廣告話孩子要有一小時玩樂時間,個頭話唔會取消TSA⋯⋯

老師個頭教完常識課,話夜晚要早啲瞓,呢頭就比咗堆要做到聽朝嘅功課。

淨返落嚟嘅父母親,可否守護子女的童年?

當子女已明白你們想他們成材的心時,你又可曾想過他們想要無壓的童年?

至少,唔好鬧佢白痴唔好連喊都唔比佢喊。

真的逼仔女係無用嫁白痴

NO COMMENTS