小弟之前曾經從事環境教育工作,所以對環保議題比較留意。老老實實,要改變一個人嘅行為談何容易? 由知識、態度到行為上作出反思及改變,實在係漫長嘅旅程。

教小朋友尚且容易,但成年人呢?要在如今樓價高企、民怨四起嘅香港推行,更是難上加難。環保對普羅香港人黎講,重要程度究竟有幾高?我估大家心知肚明啦… 所以即使離開環境教育,我對仍然堅持信念,繼續奮鬥嘅舊同事係心存敬意!

有關環境教育,小弟在此不作詳談,畢竟小弟自認未夠專業,亦未算狂熱。而家環保對於小弟黎講,只係一種生活態度,唔太麻煩嘅做得到就做,盡量以身作則,用行動感染身邊嘅人。去飲唔食魚翅,唔會食剩野,出街自備水壺,開冷氣較25度等生活小細節,做得幾多得幾多。

Water Bottle
呢個係小弟曾經用過嘅其中一款水壺

可惜嘅係…

呢個世界大部份人都係諗自己先,而唔係成個地球嘅資源。又或者大部份人都有個諗法,一日地球資源未用盡,一日都唔關自己事。由於革命尚未成功,因此小弟係部份朋友或同事眼中,就係一個…

環保L。

(難道環保有錯嗎?嗚呀…)

作為一個環保L,係日常生活實踐環保嘅其中一個難題就係帶水壺出街。放假去行山打波就當然冇問題啦,但平時返工就出事了。先唔計個水壺有唔有型,淨係拎住個公事包裝部手提電腦已經唔輕,加埋其他紙筆銀包必須品,個公事包已經Overloaded。再放多個水壺,成個公事包漲卜卜…

Man holding briefcase full of money
如果塞錢塞到漲卜卜就好囉…

一個字講哂: 7

可能你會諗…

係7仔買可以扭埋慳位回收嘅樽裝水咪冇咁有罪疚感,但講到尾都係用完即棄嘅膠,就算可以回收又要用幾多能源?係咪真係咁環保就見人見智。

死啦,大熱天時唔飲水又會中暑,咁點算?

要係日常生活做到環保又要方便的確好為難,直至我遇到佢…

一個摺得埋嘅水壺!

3-e1441026894114

呢個韓國設計同製造嘅ZUBER水壺小小、但望落去個款都幾stylish,好明顯經過精心設計,又有幾個顏色選擇,同事初初見到都會覺得得意同好奇,每次拎出黎飲水都不期然惹來艷羨目光。第一印象已經型左先,但佢唔只得個樣,實用程度係出乎我意料之外。

  1. 可摺合方便攜帶,唔用嘅時候只要捲埋用個扣箍住就攪掂,仲細過隻滑鼠。就算個水壺入滿左水都個形狀都係扁扁地,攝落公事包側邊條罅就剛剛好,個公事包以後唔會再漲卜卜喇。31-e1441026890235
  2. 絕無雙酚A(BPA)成份,唔會對健康產生損害(當然如果你屋企飲緊鉛水就幫唔到你喇)
  3. 可承受極端高低溫度差異(攝氏-40至100度): 即係話冬天裝熱水唔洗帶不銹鋼水壺,夏天雪支雪條都仲得呀~
  4. 裝熱水都唔會有塑膠料味道:飲水飲到膠味係一般低質水壺都解決唔到嘅通病。坦白講,買水壺冇得試,買左用過先知有膠味,sorry冇人會換俾你。呢個未買就保證唔會有膠味,幫你慳番唔少錢(小弟為左成為環保L,買過唔少有膠味嘅水壺)。
  5. Last but not least, 呢個水壺容量設定分得好細緻,有380ml、500ml同700ml可供選擇,可以因應自己平時飲水量決定買幾大。

吖… 唔知點解…

呢排見客傾生意成功機率真係高左好多,可能真係裝備輕盈左,連自信都返番黎。除此之外,呢個水壺仲帶俾我多一個小驚喜,就係當係冬天嘅時侯裝半支熱水出街見客,上個客office前搭lift期間摸一摸個暖水壺,當同個客握手時佢就會感受到一隻溫暖之手,好感度馬上提升!

又要做到環保又要型,其實總有方法嘅。從今開始,請你叫我…

環保型L

IMG_1942

想做個環保型L就埋黎了解下

 

NO COMMENTS